Mäjılıstegı Ükımet saǧatynda Sifrlyq damu, innovasiialar jäne aeroǧaryş önerkäsıbı ministrı Baǧdat Musin «Sberbank»-pen aradaǧy memorandumǧa qatysty deputattardyŋ saualdaryna jauap berdı.
Mäjılıs deputaty Erlan Sairov sifrlyq platformany qūruǧa bailanysty Reseidıŋ «Sberbankı» arasyndaǧy qoiylǧan memorandum jūrtşylyq ışınde rezonans tuǧyzǧanyn eske saldy. «Jobany ıske asyruǧa qatysty sūraqtar älı bıtken joq. Bız jobany ıske asyru ädılettılık prinsipterıne säikes keluı kerek dep esepteimız. Iаǧni sifrlyq platforma boiynşa naqty körsetkışterı bar, tiıstı tehnikalyq tapsyrma äzırlenıp, jobada qazaqstandyq ülestı qamtu joǧary deŋgeide boluy kerek. Qazaqstannyŋ sifrlyq platformasyn äzırleuge halyqaralyq aşyq tender jariialanǧany abzal. Onda eldıŋ sifrlyq täuelsızdıgıne, azamattardyŋ derekterın qorǧauǧa qatysty barlyq talaptar belgılenuı qajet. Jobany otandyq sifrlyq industriiany damytu men ärtaraptandyruǧa quatty serpın beretındei etıp ıske asyruǧa tiıspız. Osy oraida naqty tehnikalyq tapsyrma bar ma? Jobany jüzege asyruǧa aşyq konkurs qaşan jariialanady?» dep sūrady deputat.
Baǧdat Musin būl baǧytta tiıstı tüsındıru jūmystary jürıp jatqanyna toqtaldy. «Naqty aitsaq, memorandumǧa qol qoiyldy. Ol eşqandai kelısımşart emes. Tehnikalyq negızdeme men tehnikalyq qūjattama daiarlau üşın zertteu jūmystaryn jürgızıp jatyrmyz. 15 jeltoqsanǧa deiın zertteu aiaqtalǧannan keiın, tehnikalyq qūjattamaǧa köşemız. Aldaǧy jylǧy 15 aqpanǧa deiın tehnikalyq qūjattamany daiyndaimyz. Sol tehnikalyq qūjattama negızınde tehnikalyq ärı ekonomikalyq negızdeme äzırlenedı. Osy räsımder jasalmai, eşqandai kelısımşart bekıtılmeidı. Ekınşıden, platformaǧa toqtalsaq, bız bügınge deiın jalpy osy tehnologiialardy, iaǧni elımızde jasalmaǧan platformalardyŋ arqasynda sifrlandyrudy jürgızdık. Bıraq şeteldık platformalardy alyp, özımızdıŋ qazaqstandyq mamandardyŋ bılıktılıgımen qazırgı sifrlandyru deŋgeiıne jettık. Endı ony ary qarai ılgerıletu üşın, problemalardy şeşu üşın jaŋa platformalyq modelge köşu kerek ekenın aityp jatyrmyz. Sondyqtan būl qadamdar zaŋǧa säikes jürgızıledı. Osy baǧytta talqylau jürıp jatyr. Osyǧan deiın qol qoiylǧany – ol memorandum. Nelıkten bız oǧan qol qoidyq? Öitkenı aşyq kodtardy beruge niettı qazırgı kezde tek sol platforma ǧana bolyp tūr. Eger basqa da barlyq tehnologiialary ärı bırıktırılgen bır platformasy barlar bolsa, sondai-aq bızge aşyq kodtardy berse, özımız sol aşyq kodtardyŋ arqasynda süiemeldeu jūmystaryn jürgıze alsaq, onda olardy da qarastyratyn bolamyz» dep tüsındırdı ministr.
