Elımızde 25-29 tamyz künderı aralyǧynda «Qūqyqtyq tärtıp» jedel aldyn alu şarasy ötkızılıp jatyr. Sol arqyly elordada tüngı uaqyttarda karantin talaptary qanşalyqty saqtalatyndyǧyn tekserıp, aiyptylarǧa jauapkerşılık jükteu qarastyrylǧan.
Osyǧan orai ötken seisenbıde tüngı saǧat 22.00-de polisiia qyzmetkerlerı būqaralyq aqparat qūraldarynyŋ ökılderımen bırge qalanyŋ sol jaǧalauyndaǧy oiyn-sauyq ortalyqtaryn, köŋıl köteru oryndaryn aralauǧa şyqty.
Nūr-Sūltan qalasy Esıl audandyq polisiia basqarmasynyŋ bastyǧy, polisiia podpolkovnigı Madiiar Aituǧanov reid barysynda qoǧamdyq oryndar, dämhana, meiramhana syndy nysandar tekserıletındıgın aitty.
«Işkı ıster ministrınıŋ nūsqaulyǧyna säikes, tamyzdyŋ 25-29 aralyǧynda «Qūqyqtyq tärtıp» jedel aldyn alu şarasy bastaldy. Osyǧan orai Nūr-Sūltan qalalyq Polisiia departamentı Ūlttyq ūlan jasaqtarymen bırıgıp jäne qoǧamdyq ūiym ökılderınıŋ qatysuymen elordada tüngı reidterge şyǧyp tūratyn bolady. Basty maqsat – qaladaǧy epidemiologiialyq ahualdy sauyqtyru, qūqyq būzuşylyq pen qylmystyŋ aldyn alu, jol jürısı tärtıbın qataŋ saqtau jäne karantin talaptarynyŋ saqtaluyn qamtamasyz etu» dedı Madiiar Aituǧanov.
Esterıŋızge sala keteiık, Nūr-Sūltan qalasynyŋ būrynǧy bas sanitarlyq därıgerı Janna Pralieva ötken mälımdelerınıŋ bırınde köptegen qala tūrǧyndary men ūiymdardyŋ sanitarlyq-epidemiologiialyq talaptardy saqtamaitynyn, ol basqa adamdardyŋ virus jūqtyru qauıpın üdete tüsetının aitqan bolatyn.
«Şekteu şaralaryn saqtau qanşalyqty aitylyp jatsa da, tūrǧyndardyŋ basym bölıgı koronovirus ındetınıŋ barlyǧyna senbeidı jäne eskertuge qūlaq aspaidy. Tıptı qarapaiym qorǧanys talaptaryn oryndaǧysy kelmeidı: bettūmşa taǧu, aralyq qaşyqtyqty saqtau, qoldy antiseptiktermen juu. Bız ındet qaupı tolyq qaitpasa da, bırqatar şekteu şarttaryn talap ete otyryp, qaladaǧy käsıporyndardyŋ, ūiymdardyŋ jūmystaryn qaitadan jalǧastyruyna mümkındık berdık. Bıraq jaŋadan KVİ tırkelu tejeletın emes, būl keibır mekeme-ūjymdardyŋ saqtandyru şaralaryn oryndamaityndyǧyn bıldıredı» degen edı bas sanitarlyq därıger. Onyŋ aituynşa, eger qalada sanitarlyq-epidemiologiialyq jaǧdai uşyǧyp ketetın bolsa, şekteu şaralary qazırgı kezge qaraǧanda küşeitıluı de mümkın.
Bügınde karantin talaptary jeŋıldetılgenımen tüngı saǧat 23.00-de qalada barlyq dämhanalar, meiramhanalar, barlar jabyluy tiıs. Bıraq soǧan qaramastan tüngı uaqyttarda jasyryn jūmys ısteitın sauyq oryndary bar. Sondyqtan resmi top saǧat 23.00-den keiın Esıl audandyq polisiia basqarmasynyŋ ǧimaratynan tüngı reidke attandy. Aldymen at basyn tıregen oryn – Tūran daŋǧyly boiyndaǧy «Astanalyq saiabaqta» ornalasqan qonaq üi. Polisiia qyzmetkerlerı kelgende qonaq üidıŋ aşyq daladaǧy dämhanasynda otyrǧan jastardyŋ qarasy qalyŋ edı. Alaida olar polisiia qyzmetkerlerın körgende jyldam taraluǧa mäjbür boldy. Tek polisiianyŋ qolyna meiramhananyŋ üş vip-zalynda tuǧan kün toilaǧan jastar tüstı.
Būdan keiın tekseru toby Sauran köşesı boiynda ornalasqan barlarǧa bas sūqty. Solardyŋ bırınde de däl osyndai jaǧdai qaitalandy. Polisiia tüngı qydyrysty ūnatatyn jastar emın-erkın kalian şegıp, köŋıl köterıp otyrǧanda üsterınen tüstı.
Polisiia qyzmetkerlerı atalǧan sauyq oryndarynda bolǧan klientterge koronavirus ındetı tolyq joiylmaǧandyǧyn, onyŋ taralu qaupı älı de joǧary ekenın tüsındırıp, äkımşılık aiyppūl saldy. Sauyq oryndardyŋ basşylary da aiyppūl arqalady. Aita keterlıgı, karantindık rejim men sanitarlyq-epidemiologiialyq talaptardy būzǧany üşın jeke tūlǧalarǧa 30 ailyq eseptık körsetkış (1 AEK – 2778 teŋge / 30 AEK – 83 340 teŋge), al käsıpkerlık subektılerıne 230 AEK-ten (638 940 teŋge) joǧary somada aiyppūl salynady.
Naima NŪRALYQYZY
