Seisenbı künı Täuelsızdık saraiynda dästürlı KAZENERGY Euraziialyq forumy bastaldy. Biyl jetınşı ret ūiymdastyrylǧan auqymdy şaraǧa älemnıŋ 50-ge juyq elınen belgılı saiasattanuşylar, ırı kompaniialar basşylary men halyqaralyq sarapşylar qatysyp, energetika salasynyŋ bügını men bolaşaǧy jönınde oi-pıkırlerın ortaǧa saldy.
«Özgerıster torabyndaǧy älem: tūraqty energetikalyq bolaşaqty qalyptastyru» taqyrybynda ötken Euraziialyq forumda İspaniianyŋ eks-premerı Hose Mariia Aznar, Bolgariianyŋ eks-prezidentı Petro Stoianov, Bükılälemdık mūnai keŋesınıŋ prezidentı Renato Bertani syndy düniejüzılık bedeldı tūlǧalar söz söilep, forumǧa «energetika salasyndaǧy asa maŋyzdy halyqaralyq oqiǧa» degen baǧa berıp, onyŋ älemdık jäne öŋırlık qauıpsızdıktı saqtaudaǧy rölıne keŋınen toqtaldy.
Kezektı forumnyŋ aşyluymen qatysuşylardy qūttyqtaǧan elımızdıŋ Premer-ministrı Serık Ahmetov:
– Bügınde KAZENERGY forumy qazaqstandyq jäne älemdık energetikanyŋ özektı mäselelerı talqylanatyn negızgı halyqaralyq alaŋǧa ainalyp keledı. Būǧan deiın ötken mäjılıster osy ıs-şaranyŋ tiımdılıgın körsettı. Memleket pen biznes arasyndaǧy bailanys küşeiıp, Qazaqstannyŋ mūnai-gaz keşenın tūraqty damytuǧa qajettı alǧyşarttar jasaldy. Endıgı forum jahandyq energetikalyq qauıpsızdıktı qamtamasyz etudıŋ bıryŋǧai jäne der kezındegı qaǧidattardy qūruǧa yqpal etetınıne senımdımın, – dep atap öttı.
Al halyqaralyq energetikalyq strategiiasynda Batys pen Şyǧys arasyndaǧy bailanys köpırı bolyp otyrǧan Qazaqstannyŋ rölın äŋgımelegen QR Mūnai jäne gaz ministrı Sauat Myŋbaev el mūnaiyn eksportqa şyǧaru mäselelerıne toqtala kele «bız 2012 jyly 29 mln tonna qazaqstandyq mūnaidy tasymaldauǧa niettenıp otyrmyz. Bügınde osy salany keŋeitu boiynşa joba jüzege asyryluda. Onyŋ üş kezeŋı bar. Üşınşı kezeŋnıŋ soŋy 2015 jyly aiaqtalmaq. Jūmysymyz uaqytyly jürıp jatyr. Būl joba jylyna 52 mln tonna mūnai tasymaldauǧa mümkındık bermek», – degen derek keltırdı.
Ekı künge sozylǧan VII Euraziialyq forum aiasynda Düniejüzılık mūnai qorynyŋ (WPC) otyrysy öttı.
Sonymen qatar döŋgelek üstel jiyndary da ötkızılıp, onda energetika salasyn basqaruşy mamandardy daiarlaudyŋ san qyry talqyǧa salynyp, älemdık ozyq täjıribeler tanystyryldy.
Qymbat NŪRǦALİ
