Nūr-Sūltanda qalalyq damu akseleratory resmi türde ıske qosyldy. Jobanyŋ jüzege asyryluy 100 künge közdelgen. Iаǧni belsendı, qala mäselelerıne alaŋdauşylyq bıldıretın tūrǧyndar äkımdık ökılderımen bırge qoǧamdyq kölık, PİK jäne sanitarlyq tazalauǧa qatysty tüitkıldı mäselelerdı bırlesıp şeşetın bolady. Qalalyqtar osy baǧyttardyŋ ärqaisysy boiynşa özderınıŋ ūsynystaryn engızıp, şeşım şyǧaruǧa tolyq qatysa alady.
– Bız qala tūrǧyndaryn köptegen mäseleler alaŋdatyp otyrǧanyn körıp otyrmyz, olardyŋ ışınde eŋ özektı 48-ın aiqyndadyq. Olardyŋ 20-sy – barlyq qalalyqtardy mazalaityn mäseleler. 20 mäselenıŋ ışınen talqylau üşın 3-euın belgılep aldyq, öitkenı 100 künnıŋ ışınde 20 topty jinaqtau mümkın emes. Bız tūrǧyndarmen bırge osy mäselelerdıŋ şeşımın tabuǧa tyrysatyn bolamyz. Mümkın keibır mäselelerdı tūrǧyndar būryn talqylaǧan bolyp, olar boiynşa naqty tiımdı ūsynystary bar şyǧar, – dedı Nūr-Sūltan qalasy äkımınıŋ orynbasary Malika Bektūrova.
Osyǧan deiın akselerator aiasynda qalalyqtardan 100 ötınım jinaqtaldy. Olardyŋ ärqaisysymen äŋgıme jürgızıldı, tüiındemeler qarastyryldy. Nätijesınde şamamen 30 qatysuşy ırıktelıp, 3 jūmys tobyna bölındı. Olardyŋ qūramyna äkımdıktıŋ, vedomstvolyq ūiymdardyŋ ökılderı kırdı. Är topta 20-25-tei adam jinaqtaldy. Akseleratordy jüzege asyru turaly habarlanǧan sätten bastap daiyndyq jūmystary jürgızılıp ülgerdı, onyŋ nätijesı bırlesken üş toptyŋ bır ailyq jūmysynan körınetın bolady.
– Tūrǧyndardan sūraqtar qoiyla bastaǧandyqtan olarǧa bastapqy aqparat berıldı, säikesınşe olar körsetkışterdı aiqyndap ülgerdı. Bügıngı tanystyrylym şynaiy körsetkışterdı pysyqtau üşın ötkızılıp otyr, osy 100 kün qūr talqylaumen ǧana şektelmei, är mäsele boiynşa naqty körsetkıştı bıluımız kerek degen oimen ūiymdastyryldy, – dep atap öttı Malika Bektūrova. Sonymen qatar äkım orynbasary akseleratordyŋ biudjetı joq ekenın alǧa tartty. Memlekettık qyzmetker üşın būl jūmysynyŋ bır bölıgı bolsa, qoǧamdyq ökılder üşın qalaǧa paidasyn tigızu nietı. Kezdesuler Seedspace Nur-Sultan alaŋynda apta saiyn ötkızıledı. Al jüzege asyrylǧan nätijeler www.nursultansmartaccelerator.com resmi saitynda jäne Smart Astana mobildık qoldanbasynda jariialanyp otyratyn bolady.
