Türkıstandy tületu talqylandy
Memleket basşysy N.Nazarbaevtyŋ töraǧalyǧymen «Astana Bas jospary» ǦJZİ ǧimaratynda Türkıstan qalasyn damytu mäselelerı jönınde keŋes öttı.
Jiyndy aşqan Nūrsūltan Nazarbaev Türkıstan qalasynda qūrylys jūmystaryn bastau üşın şūǧyl şaralar qabyldau qajettıgın aitty.
– Türkıstan – bükıl halqymyz üşın qasiettı qala. Bız būl şahardy odan ärı damytu mäselesın jan-jaqty talqylap, tiıstı tapsyrmalar berıp, qajettı qarajat böldık. Uaqyt keldı, alaida eşqandai jūmys bastalǧan joq. Oblys ortalyǧyn salu jönınde belgılegen jospardy oryndauǧa kırısu kerek, – dedı Elbasy.
Qazaqstan Prezidentı qalanyŋ äkımşılık-ıskerlık ortalyǧyn, tūrǧyn üiler alabyn jäne äleumettık nysandardy salu basym baǧyt bolyp sanalatynyn atap öttı.
Jiynda Premer-ministrdıŋ bırınşı orynbasary A.Maminnıŋ, Türkıstan oblysynyŋ äkımı J.Tüimebaevtyŋ, Mädeniet jäne sport ministrı A.Mūhamediūlynyŋ jäne Halyqaralyq säulet baiqauy komissiiasynyŋ töraǧasy A.Zıkırinnıŋ Türkıstannyŋ bas josparynyŋ tūjyrymdamasyn ıske asyru barysy, sonyŋ ışınde qalada jaŋa nysandar salu josparlary turaly baiandamalary tyŋdaldy.
Soŋynda Memleket basşysy jaŋǧyrtylatyn energiia közderın paidalanudyŋ maŋyzdylyǧyna nazar audaryp, oblys ortalyǧyn energiiamen jäne sumen qamtamasyz etu salalaryn jaqsartuǧa qatysty bırqatar naqty tapsyrma berdı.