Türkıstannan jetken tarih
Astanadaǧy Ūlttyq muzeide Täuelsızdıktıŋ 25 jyldyǧyna arnalǧan Qoja Axmet Iаsaui atyndaǧy Halyqaralyq qazaq-türık universitetı ūiymdastyrǧan «Ūly Dala tarihy» atty suret körmesı aşyldy.
İgı şaranyŋ maqsaty – Ūly Dalanyŋ tarihi oqiǧalary men el taǧdyryndaǧy orny bar tūlǧalardy körkemdep, jastardy otansüigıştıkke baulyp, olardyŋ jaŋa tarihi közqarastaryn qalyptastyrudy közdegen.
Körmege Q.A.Iаsaui atyndaǧy Halyqaralyq qazaq-türık universitetınıŋ oqytuşylary men magistranttary jasaǧan 40 tuyndy qoiyldy. Ol «Ūly Dalanyŋ ūly tūlǧalary» jäne «Ūly Dalanyŋ ūly oqiǧalary men qūbylystary» degen ekı bölımnen qūralǧan. Kartinalardyŋ taqyryptary da mūqiiat taŋdalǧan.
Äsırese, «Botai eldı mekenı», «Qazaq dalasyndaǧy aŋ aulau önerınen körınıs», «Saq basşysy – Altyn adamdy jerleu räsımı», «Otyrar monşasy», «Taiqazan», «Otyrar kıtaphanasy», «Qoja Ahmet Iаsaui kesenesınıŋ qūrylysy» sekıldı tuyndylardan bır zamandardaǧy asyl babalarymyzdyŋ qoldarynan şyqqan mädeni eskertkışterden örkeniettı eldıŋ ülgısın körgendei boldyq. Sondai-aq, elı men jerı üşın altyn basyn bäigege tıgıp, tuǧan eldıŋ ırgesın bekemdegen tūǧyry biık tūlǧalardyŋ portretterı de körgen jandy qyzyqtyrmai qoimaidy. Qysqasy, atalǧan şaradan Ūly Dalanyŋ tarihyn tereŋ tani alasyz.
Körme 25 qyrküiekke deiın jalǧasady.
Azamat ESENJOL