Osydan bır ai būryn Astanada plastik jinauǧa arnalǧan 700-ge juyq konteiner ornatyldy. Alǧaşynda 50 tūrǧyn üi keşenıne, al jyl soŋyna deiın elordadaǧy barlyq 588 tūrǧyn üi keşenıne ornatu josparlanǧan. Konteiner alaŋqailarynyŋ jalpy sany 686 bolady.
«Astana-Tazartu» mekemesınıŋ bas direktory İvan Lavrinenkonyŋ aituynşa, ötken jyly osyǧan ūqsas pilottyq joba ıske qosylǧan bolatyn. Iаǧni, plastik, qaǧaz jäne şyny jinauǧa arnalǧan üş konteiner aulalarǧa qatar qoiylǧan. Būl öz kezegınde qoqysty sūryptap jinauǧa tärbieleidı. Degenmen, tūrǧyndar üşın qolaisyz bolǧany jasyryn emes. Sondyqtan būl jüienı bırtındep engızu qolǧa alyndy.
Jasyratyny joq, elımızde jyl saiyn 600 mln tonnaǧa juyq qoqys tastalady eken. Bügınde şaǧyn qalalardyŋ özınde 20 tonnaǧa juyq plastikten jasalǧan şölmekter qoqysqa laqtyrylady. Tabiǧat janaşyrlarynyŋ aituynşa, qoqystyŋ tabiǧatta būzylu merzımı öte ūzaq uaqytty alady. Mäselen, kündelıktı ömırde qoldanyp jürgen bır rettık qaǧaz ydys – bes jyl, qaŋyltyr qalbyr – jüz jyl, al qarapaiym plastik şölmek – bes jüz jyldan keiın qūrysa, şyny şölmek eşqaşan būzylmaityn körınedı. Elordanyŋ strategiialyq josparynda qaldyq-tardy azaitu jäne tazartu kommunaldyq şaruaşylyqtyŋ basty mındetı bolyp belgılengen. Däl qazırgı künı öndırıs jäne tūtynu qoqystary bırneşe paiyzǧa ösken. Sondyqtan aldaǧy uaqytta joiylatyn qaldyqtardy azaitu mäselesı qarastyryluda.
– «Astana -Tazartu» JŞS qolǧa alǧan joba jyldyŋ soŋyna deiın jalǧasady. Arnauly konteinerlerge salynǧan qoqystar, äzırge elordanyŋ qoqys poligonyna joldanady. Būiyrtsa, 2017 jyldyŋ II toqsanynda elordada qoqys qaldyqtaryn öŋdeitın zauyt ıske qosylǧannan keiın, sonda jöneltıletın bolady, – deidı Astana qalasy Tabiǧi resurstar jäne tabiǧat paidalanudy retteu basqarmasynyŋ Qaldyqtardy basqaru bölımınıŋ basşysy Miras Ǧaisin.
Gülmira AIMAǦANBET
