Byltyr Nūr-Sūltan qalasynyŋ Polisiia departamentıne otbasyndaǧy zorlyq-zombylyqqa qatysty 16 myŋ şaǧym tüsıptı. Būl byltyrǧy körsetkış desek te, biylǧy jaǧdai da köŋıl könşıterlıktei emes. Qalalyq Işkı ıster departamentınıŋ qyzmetkerlerı özınıŋ otbasyna ozbyrlyq körsetken 730 er adamdy arnaiy tırkeuge alypty. Olardyŋ barlyǧy mamandardyŋ baqylauynda bolady.
Özektılıgın joimady
Tūrmystyq zorlyq-zombylyq mäselesı özektılıgın joimaityny anyq. Elordalyq poliseiler karantin kezınde statistikanyŋ ūlǧaiyp, otbasyndaǧy zorlyq-zombylyqtyŋ örşıp ketkenın aitady. Sandar özgerıp tūrady, bıraq bızdıŋ qoǧamda qatygezdık pen qylmys köbeiıp bara jatqanyn köremız.
Nūr-Sūltan qalalyq Polisiia departamentınıŋ äielderdı zorlyqtan qorǧau jönındegı bölımşesınıŋ aǧa inspektory Gülmira Şrahmetova osy baǧytta auqymdy jūmystar atqarylyp, der kezınde tūrmystyq zorlyq-zombylyqtyŋ aldyn alatyn ıs-äreketter jasalyp jatqanyn aitady.
«2021 jyldyŋ qorytyndysy boiynşa 8 myŋǧa juyq äieldı qorǧau ūiǧarymyn toltyrdyq. Polisiia inspektorlary zorlyq-zombylyqtyŋ aldyn alu ıs-şaralaryn ötkızedı. Nūr-Sūltan qalasy boiynşa 730 er adam tırkeude tūr. Olardy qataŋ baqylauda ūstaimyz. Öitkenı olar qūqyq būzuǧa daiyn tūratyn adamdar sanatyna jatady. Būl jūmyspen Işkı ıster ministrlıgınıŋ janynan qūrylǧan ana men balany jäbırleuden qorǧau jönındegı arnauly bölım qyzmetkerlerı ainalysady. Ötken jyly Memleket basşysy Qasym-Jomart Toqaevtyŋ tapsyrmasymen būl bölım qyzmetkerlerınıŋ ştaty keŋeitıldı» dep tüsındırdı G.Şrahmetova.
QR Prezidentı janyndaǧy äielder ısı jäne otbasylyq-demografiialyq saiasat jönındegı ūlttyq komissiia töraǧasy Läzzat Ramazanova 2021 jyldyŋ 25 aqpanynda ışkı ıster organdaryndaǧy arnauly bölımşenıŋ jaŋa tarihynyŋ paraqtary jazyla bastady dep sanaidy.
«Işkı ıster organdarynda 1999 jyly qūrylǧan organnyŋ ötken jyldyŋ 25 aqpanynan bastap jaŋaşa tarihy jazyla bastady. Sebebı Prezidenttıŋ tapsyrmasymen, negızınen, äielder jūmys ısteitın osy qūrylymnyŋ rölın küşeitu turaly şeşım qabyldandy. Qazır bızdıŋ aldymyzda tūrǧan negızgı mındet – otbasylardaǧy tūrmystyq zorlyqqa alyp baratyn barlyq ıs-äreketterdıŋ aldyn alu. Öitkenı är otbasyndaǧy beibıtşılık, tynyştyq ornap, är balanyŋ erteŋge degen senımın nyǧaitu – barşamyzdyŋ mūratymyz» deidı ol.
Polisiia men azamattyq qoǧamnyŋ dänekerı
Memleket basşysy Qasym-Jomart Toqaevtyŋ 2021 jyly 25 aqpandaǧy Ūlttyq qoǧamdyq senım keŋesınıŋ 5-otyrysynda Işkı ıster ministrlıgıne baǧynatyn äielder men balalardy zorlyq-zombylyqtan qorǧau jönındegı arnaiy bölımşelerdıŋ qyzmetın küşeitudı tapsyrǧany mälım. Prezident sol jolǧy jiynda äielderge qatysty tūrmystyq zorlyq-zombylyqqa ötkır äleumettık problema retınde toqtaldy.
«Jyl saiyn elımızde äielderge qatysty 2,5 myŋnan astam qylmystyq ıs tırkeledı. Onyŋ ışınde adam ölımıne alyp keletın jaǧdailar da bar. Būl ötkır mäselenı şeşu üşın memlekettık organdar men ükımettık emes ūiymdardyŋ küş bırıktıruı qajet. Būl rette Işkı ıster ministrlıgıne qarasty 1999 jyly qūrylǧan äielder men balalardy zorlyq-zombylyqtan qorǧau jönındegı arnaiy bölımşeler maŋyzdy röl atqarady. Atalǧan bölımşeler polisiia men azamattyq qoǧamnyŋ arasynda däneker boluy kerek. Alaida kezınde olardyŋ ştattyq sany, äsırese, tūrmystyq zorlyq-zombylyq faktılerı jiı tırkeletın aimaqtarda ekı esege deiın qysqartyldy. Işkı ıster ministrlıgıne äielder men balalardy zorlyq-zombylyqtan qorǧau jönındegı arnaiy bölımşelerdıŋ ştatyn qaita qalpyna keltırudı tapsyramyn» dedı Qasym-Jomart Toqaev.
Belsendı jūmys jürgızıledı
Jaqynda astanalyq Polisiia departamentınde äielder men balalardy zorlyq-zombylyqtan qorǧau jönındegı arnaiy bölımşe qyzmetkerlerın qūttyqtau räsımı öttı. Saltanatty jiynǧa qatysqan vedomstvo basşysy, polisiia general-maiory Marat Tölebaev äielderge gramotalar men alǧys hattar tapsyrdy. 1999 jyldyŋ 19 aqpanynda IIO jüiesınde äielderdı zorlyq-zombylyqtan qorǧau bölımşesı qūryldy.
Bölımşe äielderdıŋ konstitusiialyq qūqyqtaryn, bostandyqtary men müddelerın qūqyqqa qarsy qol sūǧuşylyqtan qorǧau, zorlyq-zombylyq faktılerınıŋ aldyn alu jäne jolyn kesu, otbasy-tūrmystyq qatynastar salasyndaǧy qūqyq būzuşylyqtardy boldyrmau jäne psihologiialyq qoldau körsetu mäselelerınde äielderge qūqyqtyq kömek körsetu maqsatynda qūryldy.
2021 jylǧy 19 nauryzda Işkı ıster ministrınıŋ būiryǧymen osy bölımşenıŋ ştat sany nyǧaityldy. Qazırgı uaqytta äielderdıŋ qoǧamdaǧy jaǧdaiyn jaqsartudyŋ türlı aspektılerı boiynşa belsendı jūmys jürgızılude. Sonyŋ bırı – zorlyq-zombylyqqa qarsy küres jäne äielderge qatysty kemsıtuşılıktıŋ barlyq türın joiu.
Äielder men balalardy zorlyq-zombylyqtan qorǧau bölımşesınıŋ qyzmetkerlerı tūrǧylyqty jerı boiynşa otbasylyq janjaldar oryn alǧan üilerge barady. Sol otbasylarda tūrmystyq qūqyq būzuşylyqtardyŋ aldyn alu maqsatynda erlı-zaiyptylarmen äŋgımelesıp, psihologiialyq qoldau jäne qūqyqtyq kömek körsetedı. Sonyŋ ışınde suisidke beiımdılıgı bar äieldermen äŋgımelesıp, qūqyqtyq keŋes beredı. Būdan bölek, bölımşe qyzmetkerlerı qoǧamdyq oryndarda halyqqa aqparattyq-tüsındıru jūmystaryn jürgızıp, ūiymdarda därıs, seminar, trening, döŋgelek üstel ötkızedı. Basqosulardyŋ bärınde tūrmystyq zorlyq-zombylyqtan zardap şekkenderge ıs-qimyl algoritmı boiynşa aqparattyq paraqşalar taratylady. Al ömırlık qiyn jaǧdaiǧa tap bolǧan äielderge daǧdarys ortalyǧy konsultasiialyq-aqparattyq kömek körsetedı.
