Seisenbı künı QR Premer-ministrı Kärım Mäsımovtıŋ töraǧalyǧymen Ükımettıŋ selektorlyq rejimdegı otyrysy öttı. Kün tärtıbındegı şaǧyn jäne orta biznestı damytu men qoldau, mülıktı jariia etu mäselelerı ortaǧa salynyp, ötken aptada qauıpsızdık keŋesı otyrysyndaǧy Memleket basşysy Nūrsūltan Nazarbaevtyŋ tapsyrmalaryn oryndau jaiy pysyqtaldy. Osyǧan orai Ükımet basşysy ministrler men oblys äkımderıne bırqatar tapsyrmalardy jüktedı.
KÄSIPKERLIKTI QOLDAU JALǦASADY
Bügıngı taŋda elımızde 1 mln 302 myŋ 562 şaǧyn jäne orta käsıpkerlık subektısı qyzmet atqarady. Būl körsetkış ötken jylmen salystyrǧanda 1,3 paiyzǧa ösken. Atalmyş salaǧa tartylǧan adamdardyŋ sany da artqan. 2015 jyldyŋ qorytyndysy boiynşa şaǧyn jäne orta bizneste jūmys ısteitınderdıŋ sany 3 mln 146 myŋ 576 adamǧa jetken. Mūndai mälımetterdı QR Ūlttyq ekonomika ministrı Quandyq Bişımbaev öz baiandamasynda keltırdı.
Onyŋ aituynşa, aǧymdaǧy jyldyŋ 1 mausymyna deiın 260 mlrd teŋge somasynan astam qarjyǧa şaǧyn jäne orta käsıpkerlıktıŋ 1353 jobasy qarjylandyryldy. Būl qarajat 740 mlrd teŋge somasyndaǧy önımdı şyǧaruǧa, 15 700 jūmys ornyn qūruǧa mümkındık berıp, biudjetke 66,8 mlrd teŋge kölemınde salyq tüsımın qamtamasyz etken.
Būl baǧytta aǧymdaǧy jyly atqarylmaq jūmystardyŋ josparyna toqtalǧan ministr daǧdarysqa qarsy qosymşa şaralar şeŋberınde şaǧyn jäne orta biznestıŋ ainalym kapitalyna jäne qaryzdardy qaita qarjylandyruǧa Bıryŋǧai jinaqtauşy zeinetaqy qory qarajatynan 200 mlrd teŋge kölemınde jäne halyqaralyq qarjy ūiymdarynyŋ qorynan 65 mlrd teŋge şamasynda qarjy bölu közdelıp otyrǧanyn jetkızdı.
MÜLIKTI ZAŊDASTYRUDYŊ MÜMKINDIKTERI
Kapitaldy köleŋkeden şyǧaryp, ekonomikaǧa qosymşa qarajat retınde tartudy közdep otyrǧan, halyqqa jasyrylǧan nemese qūjattary resımdelmegen mülıktı jariia etıp, zaŋdy jolmen paidalanuǧa mümkındık berıp tūrǧan mülıktı jariia etu nauqany elımızde jalǧasyp jatyr. Būl nauqan bastalǧaly berı elımızde 1,6 trln teŋge zaŋdastyryldy. Būl jönınde söz sabaqtaǧan Qarjy ministrı Baqyt Sūltanov onyŋ ışınde respublika aumaǧyndaǧy 687 mlrd teŋgenıŋ mülkı jäne 2 mlrd teŋge kölemındegı şeteldegı mülık zaŋdastyrylǧanyn mälımdedı. Onyŋ sözınşe, osy nauqan barysynda bank esepşottaryna 978 mlrd teŋge somasyndaǧy qarajat köşırıldı.
Ötken mamyr aiynyŋ özınde bank esepşottaryna 300 mlrd teŋge tüsken. Al jalpy alǧanda aqşany bank esepşottaryna köşırudıŋ ortaşa ailyq körsetkışı jyl basynan berı 160 mlrd teŋgenı qūraǧan.
Jyljymaityn mülıktı jariia etu boiynşa, Qarjy ministrınıŋ mälımdeuınşe, jyljymaityn mülıktı jariia etu boiynşa respublikadaǧy äkımdıkterge bır ai ışınde 32 mlrd teŋge somaǧa 3156 ötınış kelıp tüsken. Osy merzımde 2172 ötınış boiynşa şamamen 20 mlrd teŋge jariia etıldı. Al jarty jyl ışınde zaŋnyŋ jaŋa qosymşalarynda öŋır äkımdıkterı 315 mlrd teŋgenıŋ mülkın zaŋdastyrǧan.
QAUIPSIZDIK QAPERDEN ŞYQPASYN
Qauıpsızdık keŋesınıŋ otyrysynda Memleket basşysynyŋ bergen tapsyrmalaryna sai ŪQK müddelı organdarmen bırge bır aidyŋ ışınde ekstremizm men terrorizmge qarsy ıs-qimyl, qaru ainalymy, köşı-qondy retteu jäne t.b. salalardaǧy zaŋnamany jetıldıruge baǧyttalǧan zaŋ jobasy men özge de normativtık qūqyqtyq aktıler jasau qajet.
Densaulyq saqtau jäne äleumettık damu ministrlıgıne memlekettık jäne jergılıktı atqaruşy organdarmen bırge bır aidyŋ ışınde olardyŋ eŋbekpen qamtyluyn qamtamasyz etu maqsatynda problemaly jastarmen jūmys boiynşa täsılderdı tübegeilı qaita qarau tiıs
İnvestisiialar jäne damu ministrlıgıne ŪQK, IIM jäne «Samūryq-Qazyna» qorymen bırge äuejailardy, avtovokzaldardy jäne temırjol vokzaldaryn zamanaui tekseru jüielerımen jabdyqtau boiynşa bıryŋǧai tehnikalyq talaptar bekıtu boiynşa şaralar qabyldaudy qolǧa alu kerek.
Osyny aitqan QR Premer-ministrı «Barlyq müddelı memlekettık organdarǧa Memleket basşysynyŋ jaqynda ötken Qauıpsızdık keŋesı otyrysynda aitylǧan tapsyrmalaryn uaqytyly jäne sapaly jüzege asyrudy qamtamasyz etudı tapsyramyn. Memlekettık organdardyŋ basşylaryna Memleket basşysynyŋ tapsyrmalaryn oryndauǧa derbes jauapkerşılık artylǧanyn erekşe basa aitqym keledı» dep, tüiındedı öz sözın K.Mäsımov.
Amanǧali QALJANOV
