Elorda tūrǧyndary Astana qalasy äkımdıgınıŋ aldyndaǧy alaŋda bolaşaq sarbazdardy äsker qataryna saltanatty türde şyǧaryp saldy.
«Qaruly Küşter qatarynda Otan aldyndaǧy boryşyn öteu maqsatynda attanyp bara jatqan jastardy şyǧaryp salu räsımı Qazaqstan Respublikasy Täuelsızdıgınıŋ 25 jyldyǧyna arnalyp otyr. Osy bır mereitoily data qarsaŋynda bır top astanalyqtardy Konstitusiialyq boryşyn öteuge şyǧaryp salyp otyrmyz. Özderıŋız baiqap otyrǧandai, būl bolaşaq sarbazdar – barlyq synaqtar men talaptarǧa sai keletın, ärtürlı deŋgeidegı medisinalyq synaqtardan sürınbei ötıp otyrǧan jastar. Bır jyldyŋ ışınde olar jan-jaqty äskeri daiyndyqtan ötıp, Otan qorǧaityn naǧyz azamattar bolyp şyǧady dep senemın» dep atap öttı Astana qalasy äkımınıŋ orynbasary Andrei Lukin saltanatty şarada.
«Qazaqstannyŋ är azamatynyŋ boryşy – el qorǧau!» degen ataumen ötken şaraǧa student jastar, mektep oquşylary, äskeri-patriottyq klubtar men üiırmelerdıŋ tärbielenuşılerı, sondai-aq şaqyryluşylardyŋ ata-analary qatysty. Bas-aiaǧy 4 000-nan asa adam qatysqan şara barysynda qonaqtar nazaryna qūrmet qarauyly rotasynyŋ defilesı arnaiy qoiylym ūsynyp, konserttık baǧdarlama körsetıldı.
«Mūndai şaralar QR Qaruly Küşterınıŋ imidjın köteru jäne jas buynnyŋ äskerge degen qūrmetı men qyzyǧuşylyǧyn oiatu baǧytynda ūiymdastyrylyp otyr. Azamattardyŋ merzımdı äskeri qyzmetke şaqyryluynyŋ küzgı şaqyrylymy elımızde 1 qazanda bastau alǧanyn bılesızder. Sonyŋ alǧaşqy legı retınde elordamyz Astanadan 72 jas sarbaz attanyp bara jatyr. Onyŋ 50-ı Aero-ūtqyr äskeri bölımder qataryna jıberılıp otyrsa, taǧy 22 jas elımızdıŋ Memlekettık küzet qyzmetı äskeri bölımın tolyqtyrǧaly otyr» deidı Astana qalalyq Qorǧanys ısterı jönındegı departamentı basşysynyŋ orynbasary Ǧani Artyqov.
Saltanatty şara soŋynda Qorǧanys ministrınıŋ bırınşı orynbasary – QR Qaruly K-üşterı Bas ştabynyŋ basşysy Mūrat Maikeev qūttyqtau söz söilep, jas sarbazdarǧa aq jol tıledı.
Bürkıt NŪRASYL
