Keşe elorda äkımı Altai Kölgınov qalada jürgızılıp jatqan kürdelı jöndeu jūmystarymen tanysyp, problemalyq qūrylys nysandaryn aralap, üleskerlermen äŋgımelestı.
Qala basşysy E49 köşesındegı №4 uchaskede ornalasqan «Altyn Şar WEST» köppäterlı tūrǧyn üi keşenı üleskerlerınıŋ mäselelerın tyŋdady. Būl üidıŋ 774 päterı «Nūrly jer» baǧdarlamasy boiynşa, qalǧan 714 päter kelısımşart boiynşa salynuǧa tiıs. Bügınde mūnda bırınşı korpustyŋ päterlerın tazalau jūmystary jalǧasuda,ekınşı korpustyŋ şatyryn ornatu, üşınşı korpustyŋ ırgetas plitalaryn gidrooqşaulau jūmystary jürgızılude. Qūrylys jūmystaryn aiaqtaudy jäne zaŋdy ielerıne päter berudı sozatyn negızgı problema – tūrǧyn üi keşenı ornalasqan jer banktıŋ kepılınde tūr. Qazır ony qaitaru boiynşa kelıssözder jürgızılude. Altai Kölgınov sondai-aq E22 köşesındegı E51 jäne E49 köşelerınıŋ aralyǧyndaǧy «Semeinyi» TK qūrylysynda da boldy. Oǧan 190 ülesker öz qarajatyn salǧan, barlyq päterler būrynnan satylǧan. Qazır qūrylys nysanynyŋ jalpy daiyndyǧy 90 paiyzdy qūraidy. Üi salu barysynda qūrylys sapasyna qatysty kemşılıkter anyqtaldy, abattandyru, kırme joldar, joldar jäne t. b. mäseleler şeşılmegen. Tūrǧyndar üşın basty mäselesı qūrylys nysandaryn tapsyru merzımderınıŋ saqtalmauy bırneşe ret oryn alǧan. Jūmystar baiau qarqynmen jürgızılude. Sondai-aq, qala äkımı tūrǧyn üilerdı paidalanuǧa beru merzımderın saqtau, sondai-aq üleskerler aldyndaǧy barlyq mındettemelerdı oryndau üşın äkımdık barlyq qajettı şaralardy qoldanatynyn atap öttı. «Barlyǧy tek äkımdıkke ǧana bailanysty emes. Qazır barlyq taraptardy jinap, ıs-qimyl josparyn bekıtu qajet bolady» dep tüiındedı Altai Kölgınov üleskerlermen äŋgımesın.
