Astana qalasynyŋ äkımı Altai Kölgınov bır top elordalyqtarǧa Prezident Jarlyǧymen berılgen memlekettık nagradalardy tapsyrdy. Marapattalǧandar arasynda mūǧalımder, därıgerler, kommunaldyq qyzmetkerler jäne basqa salanyŋ ökılderı boldy.
«Eŋ basty qūndylyq – adami kapital. Är adam elınıŋ, qalasynyŋ qalyptasuy men damu jolynda ölşeusız üles qosady. Respublika künı qarsaŋynda tūrǧyndarymyzǧa «Parasat», «Qūrmet», III därejelı «Eŋbek daŋqy» ordenderı, «Qazaqstannyŋ eŋbek sıŋırgen qairatkerı» ataǧy, «Eren eŋbegı üşın», «Şapaǧat» medaldary, QR Qūrmet gramotalary tabystaldy.
«Qūrmet» ordenımen pedagogtar, därıgerler, mädeniet qairatkerlerı marapattaldy. Olardyŋ qatarynda hirurg-därıger V.Son bar, aq halatty maman bügınge deiın jüzdegen adamnyŋ ömırın aman alyp qalǧan.
III därejelı «Eŋbek daŋqy» ordenımen «Astana-Energiia» maşinisı Q.Aupenov, «Astana-Teplotranzit» slesarı B.Jūmadılov, avtopark jürgızuşısı Q.Qūltaev jäne t.b. marapattaldy.
«Eren eŋbegı üşın» medalımen «№5 gimnaziia» KMM mūǧalımı L.Assalauova, konkimen jügıru sportynyŋ aǧa jattyqtyruşysy V.Kostin, medisina qyzmetkerlerı jäne t.b. marapattaldy» dep jazdy Astana äkımı.
