«Üş bäiterek» jaiǧasty elordaǧa

Biyl halqymyz «Üş bäiterek» dep ardaq tūtqan qazaq ädebietınıŋ klssikterı Säken Seifullin, Iliias Jansügırov jäne Beiımbet Mailinnıŋ tuǧanyna 125 jyl tolyp, tūǧyrly tūlǧalardyŋ mereitoilary öz därejesınde atalyp öttı. Sol toidyŋ qorytyndysy retınde elordanyŋ törındegı qalamgerler alleiasynan üş alypqa eskertkış qoiyldy.Eskertkıştıŋ aşyluynda qala äkımı Altai Kölgınov Täuelsızdık künımen tūspa-tūs kelgen aituly şaraǧa maŋyz berıp, üş tūlǧanyŋ eŋbegıne jeke-jeke toqtaldy.
– Ötken ǧasyrdyŋ alǧaşqy şegınde halqymyz basynan ötkızgen auyr jaǧdaidy «Tar jol, taiǧaq keşu» romanynda şynaiy jetkızıp, «Qazaq» degen ūltymyzdyŋ atauyn qūjat jüzınde qaitaryp bergen Säken Seifullinnıŋ ruhaniiatymyzdaǧy orny erekşe. Bügınde qaladaǧy aqyn muzeiı jūmys ısteidı. Al qazaq ädebietınıŋ qazynasyna sübelı dünieler qosqan Beiımbet Mailinnıŋ jazuşylyǧymen bırge, jurnalistika salasyna sıŋırgen eŋbegı köp. Körnektı aqyn Iliias Jansügırov – qazaq folkloryn damytqan tūlǧa. «Küişı», «Qūlager» poemalary – tūnǧan tarih. Üş bäiterekke qoiylǧan būl eskertkış – ötkenge qūrmet qana emes, tarihymyzǧa qoiylǧan bıregei belgı. Azat eldıŋ astanasynyŋ törınde taǧdyry da bır, ömırı de ūqsas ūltymyzdyŋ ūly perzentterıne arnalǧan eskertkıştıŋ tūruy – zaŋdylyq, – dedı şahar basşysy. Qazaqstan Jazuşylar Odaǧynyŋ tör­aǧasy, aqyn Ūlyqbek Esdäulet osy ıstıŋ basy-qasynda jürgen azamattarǧa alǧysyn bıldırıp, üş alyptyŋ ömırı men şyǧarmaşylyǧy jaiynda parasatty oi tolǧady.
Sondai-aq sol künı elordadan alǧaş ret Jazuşylar üiı aşyldy. Jaŋa ǧimarat qala äkımdıgınıŋ qoldauymen paidalanuǧa berıldı. Būl üide qalamgerlerge arnalǧan kıtap­hana, sūhbat bölmesı, qysqasy, şyǧarmaşylyqpen ainalysuǧa barlyq jaǧdai jasalǧan.
Jaŋa ǧimarattyŋ aşyluynda Qazaqstan Jazuşylar odaǧynyŋ töraǧasy Ūlyqbek Esdäulet öz sözınde būl ǧimaratty «elordalyq qalamgerler bas qosatyn qaraşaŋyraq» dep atady.
Jazuşylar Odaǧynyŋ Nūr-Sūltan qalalyq filialynyŋ töraǧasy, aqyn Däuletkerei Käpūly: «Qazır elordada Qazaqstan Jazuşylar odaǧynyŋ 150-den asa müşesı bar. Sondyqtan qalamgerler jinalatyn bır ǧimarat qajet bolyp jür edı. Endı, mıne, sol maqsatymyzǧa qol jetkızıp otyrmyz. Osy ıstı tiianaqty şeşıp, qoldau körsetken qala äkımdıgıne alǧysymyzdy aitamyn» dedı.
Būl quanyşty sätke bas şaharda tūratyn aqyn-jazuşylar da qatysyp, rizaşylyqtaryn bıldırdı.