Keşe Nur Otan partiiasynyŋ deputattyq fraksiiasy men Nūr-Sūltan qalalyq mäslihaty tūraqty komissiiasynyŋ bırlesken otyrysy öttı. Mūnda qalanyŋ 2021-2023 jylǧa arnalǧan biudjetınıŋ jobasy jäne öŋırdıŋ 5 jylǧa arnalǧan äleumettık-ekonomikalyq damu strategiiasy talqylandy. Baiandamany «Nūr-Sūltan qalasynyŋ Ekonomika jäne biudjettık josparlau basqarmasy» MM basşysy Qaisar Maŋqaraev jasady.
– Qalanyŋ 2021-2023 jyldarǧa arnalǧan boljamdy üş jyldyq biudjetı Memleket basşysynyŋ Joldauynda aitylǧan mındetter men maqsattardy jüzege asyru maqsatynda äzırlendı. Sondai-aq būl qūjatta Nūr-Sūltan qalasyn 2050 jylǧa deiın damytu strategiiasy men 2023 jylǧa deiıngı Keşendı jospary negızge alynǧan,– dedı Q. Maŋqaraev qarjylyq qūjatty mäslihat deputattary nazaryna ūsyna otyryp.
Qalanyŋ negızgı äleumettık-ekonomikalyq damuy körsetkışterıne qarasaq, elorda ekonomikasynyŋ tūraqty ösıp kele jatqanyn baiqaimyz. Mäselen, 2020 jyldyŋ alǧaşqy jarty jyldyǧynda JÖÖ 3 trln 31,5 mlrd teŋgenı qūraǧan. Ol byltyrǧy säikes merzımnen 4 % köp. Astananyŋ osy damu qarqyny bäseŋdemese, ol 2025 jyly 11,2 trln teŋgege jetuı tiıs.
2021-2023 jyldarǧa arnalǧan boljam boiynşa qala kırısı 1 trln 1mlrd 376 mln teŋge bolady dep kütılıp otyr: 2021 jyly – 319,7 mlrd teŋge, 2020 j. – 332,3 mlrd jäne 2023 jyly – 349,4 mlrd teŋge.
