Būl jaŋalyqty Qazaqstan Prezidentınıŋ baspasöz hatşysy Berık Uäli köpşılık jūrtqa jetkızdı.
«Memleket basşysy Qasym-Jomart Toqaevtyŋ tıkelei bastamasymen ärı qoldauymen elordadaǧy Jekpe-jek saraiyna resmi türde daŋqty baluan, Olimpiada chempiony Jaqsylyq Üşkempırov aǧamyzdyŋ esımımen atalatyn boldy» dep jazdy B.Uäli äleumettık jelıdegı paraqşasynda. 
«Būl şeşım bylai qabyldanǧan edı… Osydan bırneşe jyl būryn osy Jekpe-jek ortalyǧynyŋ ırgetasy qalanyp jatqanda Jaqsylyq aǧamyz ülken ūly Jandospen bırge qūrylys bastalǧaly jatqan jerdıŋ janynan ötıp bara jatady. Endı ǧana qazyǧy qaǧylyp jatqan jerge qarap: «Osy qazaqqa, qazaqtyŋ sportyna, qazaqtyŋ küresıne bır kısıdei-aq eŋbek sıŋırdım dep oilaimyn. Äsırese, Odaqtyŋ daŋqy däuırlep, bızdıŋ ūlttyŋ ökılderınıŋ bäige almaq tügıl, özgemen teŋ tūruynyŋ özı mūŋ bolyp tūrǧan şaqta Olimpiadanyŋ jüldesın jūlyp aldym. Onymdy bügıngı qazaqqa mındet qylmaimyn, ärine. Ol kezde jastyqtyŋ buymen bılınbegen de eken. Qazır oilaimyn, älı künge özımnıŋ ızımdı basatyn jıgıtterdıŋ şyqpaǧanyna qaraǧanda, sol 80-degı Olimpiada maǧan da oŋaiǧa soqpaǧan eken-au dep. Endı bır armanym bar, şırkın, osy Jekpe-jek ortalyǧynyŋ qūrylysy bıtıp, menıŋ atymdy berse ǧoi, armanym joq edı-au» degen eken. Jandos: «Oi äke-ai, būl qai uaqytta salynyp bıtedı deisız? Oǧan deiın kım bar, kım joq? Qandai şeşım qabyldanady? Bılmeimız ǧoi…» dep qoia salady. Jaqsylyq aǧamyz baqilyq bolyp ketkennen keiın joǧarydaǧy äŋgıme Memleket basşysyna jetedı. Qasym-Jomart Kemelūly bırden qoldaidy. Tiıstı oryndarǧa tapsyrma beredı» dep jazdy mäselenı tarqatyp baspasöz hatşysy.
Söitıp, jaqynda Ükımettıŋ resmi Qaulysy şyǧyp, Jekpe-jek saraiy Jaqsylyq Üşkempırov aǧamyzdyŋ atymen atalatyn boldy. «Baluan aǧamyzdyŋ äruaǧy razy bolsyn! «Er esımı – el esınde» degen osy! Aitpaqşy, joǧarydaǧy äŋgımenı aityp bergen, osy ülken şaruaǧa qozǧau salǧan Üşkempırov Jandos Jaqsylyqūly, qazır osy Jekpe-jek saraiynyŋ direktory. Keşe Ükımettıŋ Qaulysy şyqqannan keiın Jandos qūrdasym habarlasyp, süiınşı sūrap, aqjoltai habaryn jetkızdı. Men de osy quanyşty özderıŋızben bölısudı jön kördım» deidı Berık Uäli.
