Nūr-Sūltan qalasy Baiqoŋyr audany äkımınıŋ apparaty «Halyq qatysatyn biudjet» baǧdarlamasy boiynşa ötınımder qabyldaudy bastady. Biyl osy joba aiasynda tūrǧyndar ūsynatyn audan uchaskelerın abattandyru men jaryqtandyruǧa qarajat bölınetın bolady.
Halyq qatysatyn biudjet – būl aumaqtardy tiımdı basqaru üşın qala tūrǧyndary men jergılıktı atqaruşy organdardyŋ yntymaqtastyǧy. Jobanyŋ özektılıgı – kez kelgen adam qalalyq ortany damytu boiynşa öz ideiasyn ūsyna alady. Eger bastamany basqa tūrǧyndar dauys beru barysynda qoldasa, onda ol qalalyq biudjet qarajaty esebınen jüzege asyrylady. Baiqoŋyr audanynyŋ kämeletke tolǧan barlyq tūrǧyndary öz ūsynystaryn joldai alady.
Audandy jaqsartu boiynşa ūsynystardy äkımdıktıŋ
www.baikonyr-astana.kz resmi saityndaǧy «Halyq qatysatyn biudjet» bölımıne joldauǧa bolady. Ūsynysty jıberu üşın ötınımdı toltyru (jobanyŋ atauyn, onyŋ sipattamasyn körsetu), eskiz ben smetany (baǧdarly), aǧymdaǧy jai-küidıŋ fotosuretterın bekıtu qajet, sondai-aq qalasaŋyz, öz ideiaŋyzdyŋ ūsynymyn qosa beruge bolady.
Saraptamalyq keŋes şeşımınıŋ nätijelerı aşyq közderde jariialanatyn bolady. Jobalyq ūsynystardyŋ ıske asyrylu barysy turaly aqparat, sondai-aq olardy ıske asyru qorytyndylary Nūr-Sūltan qalasy Baiqoŋyr audany äkımı apparatynyŋ internet-resurstarynda jariialanady. Ötınımderdı qabyldau 2022 jylǧy 10 nauryzǧa deiın jalǧasady.
Aita keteiık, biyl «Halyq qatysatyn biudjet» jobasy boiynşa qūny 2-den 30 mln teŋgege deiıngı 9 joba ıske asyryldy.
