Qalany taŋǧy uaqytta aralaǧan Saryarqa audanynyŋ äkımı Eset Baiken audandaǧy köppäterlı üiler aulalarynyŋ sanitarlyq jaǧdaiy men abattandyryluyn tekserdı.
Sonyŋ ışınde İ.Qūtpanūly, Y.Altynsarin, I.Esenberlin köşelerı men Jeŋıs daŋǧylyndaǧy bırqatar aulalardy aralady. Audan basşysy mektepter aulalarynyŋ tazalyǧyna nazar audardy. Eŋ aldymen bılım beru nysandarynyŋ aulalaryn tazalau kerektıgın, qysta da qardy tazalaudy mektepterden bastau qajettıgın erekşe atap öttı. Keibır aulalardyŋ tazalyǧyna bailanysty äkımdıktıŋ tiıstı aumaqqa jauapty qyzmetkerlerı men merdıgerlerıne eskertu jasady.
I.Esenberlin, 13 mekenjaiynda bırneşe jyl būryn «Biudjetke qatysu» baǧdarlamasy aiasynda balalardyŋ oiyn alaŋy ornatyldy. Alaida qūm ǧana töselgen. Jaŋbyrly künderı osy jerde jer ezılıp jatady. Audan äkımı qol astyndaǧy qyzmetkerlerge alaŋǧa gazon töseudı qarastyrudy tapsyrdy.
– Elordada qazır sapaly gazondar satylymda joq eken. Jaqsy gazondardy basqa qalalardan ızdestırudı tapsyrdym. Eger tabylatyn bolsa, biyl töseimız. Bolmasa, kelesı jyldyŋ josparyna engızemız, – dedı E.Baiken.
Y.Altynsarin köşesındegı medisina kolledjı maŋaiyndaǧy eskı, apatty üiler sürılıp, tūrǧyndar köşırıldı. Qazır būl üilerdıŋ ornyna atalmyş kolledjdıŋ jataqhanasy salynyp jatyr. Bıraq sol maŋai älı tazalanbai, lastanyp jatyr. Audan basşysy dereu tiıstı şaralardy qabyldaudy tapsyrdy.
Aulalardy aralau qorytyndysynda abattandyrylmaǧan, jöndeudı qajet etetın aulalar nazarǧa alynyp, olardy kelesı jyldyŋ josparyna engızu mäselesı qaralatyn boldy. Būl mäseleler «Biudjetke qatysu» baǧdarlamasy aiasynda tūrǧyndarmen talqylanady.
