Elorda naryǧynyŋ üzdıgı ataǧynan ümıtker astanalyq käsıporyndar keşe töl tauarlaryn tanystyrylymǧa şyǧardy.Kongress-holl saraiynda ötken «Astananyŋ üzdık tauary – 2012» körme-baiqauyn aldymen qala äkımı İmanǧali Tasmaǧambetov aralap kördı.
Dästürlı şaranyŋ maqsaty – otandyq önımnıŋ bäsekege qabılettılıgın arttyru. Körmege ūzyn-sany eluge juyq önerkäsıptık tauarlary qoiyldy. Arasynda qūrylys jabdyqtary, jeŋıl önerkäsıp būiymdary, azyq-tülık önımderı, tūrmystyq dünieler bar.
Baiqauǧa qatysudyŋ özındık qaǧidasy bar. Aldymen, tauardyŋ türın, tüsın, ekologiialyq jaǧynan taza ekenın däleldeitın sertifikaty boluy mındettı. Halyqtyŋ sūranysyna ie önım bolsa, tıptı jaqsy. Baǧasynyŋ köŋılge qonymdy bolǧany da maŋyzdy.
Tauardyŋ osy talaptarǧa qanşalyqty sai keletının anyqtaityn komissiianyŋ qūramy da osal emes. Memlekettık organ qyzmetkerlerı, standarttau jäne sertifikattau salasy ökılderı, sanitarlyq-epidemiologiialyq qadaǧalau mekemesınıŋ mamandary jäne sauda palatasynyŋ müşelerı bar.
Baiqau soŋynda komissiia üş atalym boiynşa jeŋımpazdardy anyqtady. «Öndırıstık maqsattaǧy üzdık tauarlar» atalymy boiynşa qūrylys salasyna tas töseme türlerın şyǧarumen ainalysatyn «Tas kılem» JŞS jüzden jüirık şyqty. «Üzdık azyq-tülık tauarlary» atauyn et, şūjyq önımderın şyǧaratyn «Aprel» JŞS jeŋ ıp aldy. Al, «Halyqtūtynatyn üzdık tauar» dep qazaqy naqyştaǧy üi jabdyqtaryn tıgetın «Altyn orda» JŞS tanyldy.
Sonymen qatar, tört ūjymǧa, naqtyraq aitsaq, «Amiteh» JŞS, «Stalsink» JŞS, «Ekoton+» AQ jäne «Kazakhstan Rubber Recycling» JŞS-na «Jyldyŋ eŋ üzdık öndırıs oryndary» degen marapat būiyrdy.
Baiqaudyŋ üzdık tauarlary endı respublikalyq «Altyn sapa» baiqauyna qatystyrylatyn bolady.
Şynar DOSAN
