Memleket basşysy Qasym-Jomart Toqaev QHR-ǧa memlekettık sapary barysynda QHR töraǧasy Si Szinpinmen kezdesıp, kelıssözder jürgızdı.
Kelıssözder zalyndaǧy jüzdesude Qasym-Jomart Toqaev Qytai basşysymen Bışkektegı ŞYŪ-nyŋ sammitınen keiın araǧa bırer ai salyp qaita kezdeskenıne öte quanyşty ekenın aitty. QHR töraǧasyna qonaqjailylyq körsetkenı üşın rizaşylyq bıldırıp, Qytai köşbasşysynyŋ dosy, Qazaqstannyŋ Tūŋǧyş Prezidentı Nūrsūltan Nazarbaevtyŋ sälemın, ystyq yqylasyn jetkızdı.
– Būl jüzdesuımız QHR-dyŋ 70 jyldyq mereitoiy qarsaŋynda ötıp otyr. Osy sättı paidalanyp, Sızdı jäne barşa qytai halqyn aituly datamen qūttyqtaǧym keledı. Qytai būl mereitoiǧa äleumettık-ekonomikalyq jäne saiasi damu tūrǧysynan zor jetıstıktermen jettı. Būl oqiǧa tek QHR üşın ǧana emes, küllı älem üşın tarihi mänge ie dep oilaimyn. Sızdıŋ memlekettıŋ damuy – dünie jüzınıŋ jıtı nazarynda, – dep mälımdedı Qasym-Jomart Toqaev.
Qazaqstan Prezidentı jetpıs jyldyq damu joly Qytai üşın öte auyr bolǧanyn tılge tiek ettı. Alaida 1970 jyldardyŋ soŋynda Den Siaopinnıŋ basşylyǧymen jürgızılgen reformalardyŋ arqasynda qytai halqy özınıŋ damuynda orasan zor jetıstıkterge qol jetkızgenıne toqtaldy.
Si Szinpin öz sözınde Qazaqstannyŋ Ortalyq Aziiadaǧy ırı el sanalatynyn jäne Euraziianyŋ ortalyǧynda zor yqpaly bar ekenın atap aitty. «Qazaqstannyŋ Tūŋǧyş Prezidentı Nūrsūltan Nazarbaevtyŋ basşylyǧymen elderıŋız aitarlyqtai tabystarǧa qol jetkızdı, ūlttyq erekşelıkke negızdelgen damu ülgısın qūrdy. Sız Prezident bolǧannan keiın özıŋızdıŋ sabaqtastyq, ädılettılık jäne ılgerıleu jönındegı üş ūstanymyŋyzdy jariialadyŋyz. Ekonomikany damytu, jaŋa jūmys oryndaryn aşu, sybailas jemqorlyqpen küresu, halyqty äleumettık qorǧau deŋgeiın köteru siiaqty mäselelerdı aldyŋyzǧa maqsat etıp qoidyŋyz. Būl Qazaqstan halqynyŋ ümıtın aqtaidy. Sızdıŋ barlyq bastamalaryŋyz osyǧan baǧyttalǧan. Bızben dos Qazaqstan halqyna baq-bereke jäne mol tabys tıleimın» dedı Qytai elınıŋ basşysy.
Kelıssözder qorytyndysy boiynşa ekı el arasyndaǧy 10 qūjatqa qol qoiyldy. Olardyŋ qatarynda: memleket basşylarynyŋ bırlesken mälımdemesı; Qazaqstan Ükımetı men QHR Ükımetı arasyndaǧy aviasiialyq ızdeu jäne azamattyq äue kemelerın qūtqaru salasyndaǧy yntymaqtastyq turaly kelısım; Qazaqstan Ükımetı men QHR Ükımetı arasyndaǧy «Nūrly jol» jaŋa ekonomikalyq saiasaty men «Jıbek jolynyŋ ekonomikalyq beldeuı» qūrylysyn ūştastyru jönındegı yntymaqtastyq turaly kelısım: ekı memlekettıŋ Ükımetterı arasyndaǧy QHR Ükımetınıŋ Qazaqstan tarapyna superkompiuter beru jobasy jönındegı yntymaqtastyq turaly kelısım; QR Sauda jäne integrasiia ministrlıgı men QHR-dyŋ Kommersiia ministrlıgı arasyndaǧy özara tüsınıstık turaly memorandum; QR Auyl şaruaşylyǧy ministrlıgı men QHR-dyŋ Bas keden basqarmasy arasyndaǧy Qytaiǧa Qazaqstannan eksporttalatyn süt önımderıne jäne jün şikızatyna qoiylatyn inspeksiialyq, karantindık, veterinarlyq-sanitarlyq talaptar jönındegı hattamalar; QR Qarjy ministrlıgı men QHR-dyŋ Bas keden basqarmasy arasyndaǧy ziiatkerlık menşık qūqyǧyn şekara maŋynda qorǧau salasyndaǧy yntymaqtastyqty nyǧaitu jönındegı memorandum; QR Auyl şaruaşylyǧy ministrlıgı men QHR-dyŋ Bas keden basqarmasy arasyndaǧy Qytaiǧa Qazaqstannan eksporttalatyn zyǧyrǧa qoiylatyn inspeksiialyq, karantindık jäne veterinarlyq-sanitarlyq talaptar jönındegı hattama; Qazaqstan men QHR arasyndaǧy keden şekarasy arqyly tauarlar men kölık qūraldaryn alyp ötu turaly aldyn ala aqparat almasu jönındegı tehnikalyq sipattama.
Keşe Ortalyq kommunikasiialar qyzmetınde Memleket basşysynyŋ Qytaiǧa saparyna qatysty brifing öttı. Prezidenttıŋ kömekşısı Mūrat Nūrtıleuov Memleket basşysynyŋ Qytaiǧa memlekettık sapary barysynda osy el türmesınde jatqan otandasymyz Aqjarqyn Tūrlybaidyŋ mäselesın kötergenın aitty. Prezidenttıŋ ötınışı boiynşa Syrtqy ıster ministrlıgı arqyly osy jūmysty jalǧastyru uaǧdalastyǧyna qol jetkızılgen.
