Keşe elordada Nūr-Sūltan qalasy äkımdıgı janyndaǧy Dıni bırlestıktermen bailanys jönındegı keŋestıŋ otyrysy öttı. Oǧan elordanyŋ audan äkımderı, aumaqtyq jäne jergılıktı memlekettık mekeme basşylary, dıni bırlestıkterdıŋ ökılderı, qoǧam qairatkerlerı qatysty.
Nūr-Sūltan qalasy äkımınıŋ orynbasary, Dıni bırlestıktermen bailanys jönındegı keŋes töraǧasynyŋ orynbasary Baqtiiar Mäken QR Konstitusiia zaŋdaryn, QR Prezidentı men Ükımetınıŋ jäne qala äkımdıgınıŋ erejelerın basşylyqqa alatyn keŋestıŋ mındetterı turaly aita kelıp, azamattardyŋ dıni nanym erkındıgı men dıni bırlestıktermen özara qarym-qatynas qūqyqtaryn qamtamasyz etu, qoǧamdaǧy ruhani kelısımdı nyǧaitu, konfessiiaaralyq qatynastardy üilestıru salasyndaǧy memleket saiasatyna toqtalyp öttı. Sonymen bırge Qazaqstan Respublikasy Prezidentı Qasym-Jomart Toqaevtyŋ Qazaqstan halqyna Joldauyndaǧy «Qoǧamdyq kelısımdı nyǧaitu, äleumettık jäne etnikalyq toptar arasyndaǧy kelısım – bükıl qoǧamnyŋ bırlesken eŋbegınıŋ nätijesı. Osyǧan orai, saiasi ürdısterdı saralap, bırlıgımızdı nyǧaita tüsu üşın naqty şaralar qabyldau qajet» degen sözıne maŋyz berıp, osy rette atqaryluy tiıs şaralardy atap öttı.
Qalalyq mäslihattyŋ deputaty Miras Şekenov memlekettık organdar men dıni bırlestıkterdıŋ zaiyrly qoǧamdaǧy özara ärekettesuınıŋ maŋyzdylyǧy turaly aitty. QR Aqparat jäne qoǧamdyq damu ministrlıgı Dın ısterı komitetı dın qyzmetı salasyndaǧy qūqyq qoldanu täjıribesı basqarmasy basşysynyŋ mındetın atqaruşy Beiımbet Manetov «Dıni qyzmet jäne dıni bırlestıkter turaly» Qazaqstan Respublikasynyŋ zaŋ normalaryna qatysty mälımet berdı. QR Prezidentı janyndaǧy Memlekettık basqaru akademiiasynyŋ bırınşı vise-rektory Erkın Düsıpov Qazaqstan Respublikasy Prezidentı Qasym-Jomart Toqaevtyŋ Qazaqstan halqyna Joldauyna bailanysty baiandama jasady.
Jadyra ŞAMŪRAT
