Astana äkımı İmanǧali Tasmaǧambetov «İnternasionalnyi» tūrǧyn alabynda boldy. Şahar basşysy tūrǧyndarmen kezdesıp, olardyŋ sūraqtaryna jauap berdı, dep habarlaidy Astana qalasy äkımı apparatynyŋ baspasöz qyzmetı.
Memleket basşysynyŋ tapsyrmasymen Astana qalasynyŋ äkımı İ.N.Tasmaǧambetovtyŋ 2014 jylǧy 19 aqpanda halyqpen eseptık kezdesuı barysynda «İnternasionalnyi» tūrǧyn alabynyŋ tūrǧyny, zeinetker Qojantai Baikenov äkımge saual joldap, kürmeulı jaidyŋ tüiının şeşudı sūraǧan bolatyn.
Mäsele mynada, tūrǧynjaidan 50 metrden kem qaşyqtyqta qazandyq ornalasqan, iaǧni, üi qazandyqtyŋ sanitarlyq-qorǧau aimaǧynda tūr. Qazırgı uaqytta kül üiındısıne qorşau ornatu jūmystary jürgızılıp, qazandyqtaǧy aǧymdaǧy jaǧdaidy jaqsartu jönındegı ūsynystar qarastyryldy: su qyzdyru qazandyqtaryn auystyrylyp, sūiyq otyn qoldanu, sonymen qatar, barlyq qazandyqtarǧa kelesı jylytu mausymyna deiın şaŋnan, gazdan tazalau qondyrǧylaryn (siklondar) ornatu közdelgen.
Astana qalasynyŋ äkımı İmanǧali Tasmaǧambetov tūrǧyn alabynyŋ tūrǧyndaryn osyndai maŋyzdy oqiǧamen qūttyqtady. Kezdesu barysynda tūrǧyndar qala basşysyna jalpy jäne jeke tūrǧydaǧy türlı sūraqtar qoidy. Är mäselenı egjei-tegjeilı zerttegennen keiın şaralar qabyldanady.
Būdan basqa, «İnternasionalnyi» tūrǧyn alabynda «Eskendir» TK balalar aula kluby aşyldy. Jalpy audany – 400 şarşy metr. Mekemede küres, tennis, bi, trenajer zaldary, elektrondy kıtaphana jäne ardagerler men zeinetkerlerge arnalǧan üstel oiyndary (şahmat, doiby) üşın jabdyqtalǧan demalys bölmesı bar.
Bügınde elordalyq aula klubtary audanda tūratyn balalar men jasöspırımder kezdesetın orynǧa, demalys pen şyǧarmaşylyq ideialaryn jüzege asyru ornyna ainaldy. Mädeni ıs-şaralar ötkızu, demalysty ūiymdastyru arqyly balalar men jasöspırımderdı köşenıŋ ziiandy äserınen saqtau üşın müddeler boiynşa klubtar qūrylady. Olar ärtürlı sport türlerıne äuestenıp, demalysty ötkızudıŋ jaŋaşa qyzyqty türımen tanysady.
