Astana qalasy äkımdıgınde qala äkımınıŋ orynbasary Aida Balaevanyŋ töraǧalyq etuımen äleumettık ärıptestık pen äleumettık jäne eŋbek qatynastaryn retteu jönındegı qalalyq üşjaqty komissiianyŋ kezektı otyrysy bolyp öttı.
Onda el Prezidentınıŋ «Qazaqstan-2050: bır maqsat, bır müdde, bır bolaşaq» atty Qazaqstan halqyna Joldauynda aiqyndalǧan mümkındıgı şekteulı azamattar men äleumettık jaǧynan az qamtylǧan tūrǧyndarǧa köŋıl audaru jäne basqa da äleumettık mäseleler talqylandy. Sonymen qatar komissiianyŋ 2013 jylǧy jūmys qorytyndysy men 2014 jylǧy jūmys jospary bekıtıldı.
Jiynda A.Balaeva: «Qūrylys kompaniialarynda älı künge deiın käsıpodaq ūiymy degen atymen joq. Sonymen qatar, adam qūqyǧyn būzuşylyq biznes qūrylymdarynda da kezdesedı. Osyǧan bailanysty Käsıpkerler palatasy men Jūmysşylar odaǧyn mäselenı bırlesıp şeşuge şaqyramyn» dedı.
Üşjaqty komissiia otyrysynda, sondai-aq,negızgı azyq-tülık önımderıne baǧanyŋ jasandy ösuın boldyrmau jäne QR Eŋbek kodeksınıŋ normalary men erejelerın oryndau barysy mäselelerı talqylandy.
Tūrǧyndardyŋ ärtürlı äleumettık mäselelerın jedel şeşu jolynda Astana qalalyq äkımdıgı komissiia otyrysyn jiı ötkızıp tūruǧa daiar. Äleumettık maŋyzy bar mäseleler komissiianyŋ 2014 jylǧy jūmys josparynda da qaralady.
Nūrislam Qūspanǧali
