Elımızde innovasiialyq sipattaǧy qoldanbaly ǧylymi jobalardy jüzege asyru üşın granttyq qarjylandyruǧa ötınış beru kezeŋı bastaldy. Osyǧan bailanysty Bılım jäne ǧylym ministrlıgı men Ūlttyq ǧylymi-tehnikalyq saraptama ortalyǧy Nazarbaev universitetınde üş künge sozylǧan seminar aiasynda tüsındıru jūmystaryn jürgızdı.
Mamandardyŋ aituynşa, granttyq qarjylandyruǧa bailanysty Qazaqstannyŋ barlyq qalalarynan 1000-ǧa juyq ötınımder kelıp tüsuı mümkın. Olardyŋ sapasyn arttyru jäne halyqaralyq ǧylymi bailanysty odan ärı jetıldıruge arnalǧan seminar aiasynda granttyq qarjylandyrudyŋ negızgı tetıkterı tüsındırıldı.
Jobalardy qarjylandyruda jylu men elektr energetikasy, tabiǧat jäne tehnogendık şikızatty qaita öŋdeu tehnologiialary, aqparattyq tehnologiialar, eldıŋ ziiatkerlık äleuetı, jaŋa biodärı-därmekter, azyq-tülık qauıpsızdıgı, bılım beru salasyndaǧy qoldanbaly zertteulerge basymdyq berılmekşı.
Üş künge sozylǧan jiynǧa AQŞ, Ūlybritaniia elderınıŋ tanymal ǧalymdary men halyqaralyq «Elsevier» baspa kompaniiasynyŋ ökılderı qatysyp, öz elderındegı sala jetıstıkterımen oi bölıstı.
Gülmira AIMAǦANBET
