Jalǧan anyqtama jasaityn kım?

Bügınde 086 anyqtama qaǧazy men eŋbekke jaramsyzdyq paraǧyn satuşylar da, satyp aluşylar da köp. Nebärı 7 myŋ teŋge töleseŋız, denıŋızdıŋ sap-sau ekendıgın däleldeitın qaǧaz da, «auyrǧanyŋyzdy» rastaityn paraq ta tabylady.

Osydan bır ai būryn ǧana osyn­dai jalǧan medisinalyq qūjat jasaǧan toptyŋ ūstalǧany belgılı. Olardy tıntu kezınde 086 ülgısındegı medisinalyq anyqtamanyŋ 200-den astam blankılerı, 190-ǧa juyq sanitarlyq kıtapşa, medisinalyq mekemeler men därıgerlerdıŋ 80-nen astam mörı, medisinalyq analiz nätijelerı, fliuorografiialyq suretter, medisinalyq diagnozdar jazylǧan kıtapşa jäne taǧy basqa zattar tabylǧan.
Endı Astana qalasynyŋ Işkı ıster departamentı būl mäse­le­nı kün tärtıbıne qoiyp, jal­ǧan qūjat jasauşylarmen küre­sudı myqtap qolǧa aldy. «Jasandy medisinalyq qūjat­tar­dy anyqtau jäne ötkızu fak­tı­le­rınıŋ jolyn kesu» taqyry­bynda ötken jiynǧa Densaulyq saqtau basqarmasynyŋ basşylyǧy, prokuratura qyzmetkerlerı, sonymen qatar elordalyq medisinalyq mekemelerdıŋ basşylary şaqyryldy.
Astana qalasy IID Anyqtau basqarmasynyŋ bastyǧy, polisiia podpolkovnigı Asyljan Qaldarbekovtıŋ aituynşa, äsırese eŋ jiı kezdesetın qylmystyq qūqyq būzuşylyqtardyŋ bırı eŋbekke uaqytşa jaramsyzdyq paraqtaryn jasau bolyp otyr. Jyl basynan berı 121 qylmys­tyq ıs tergep-tekserılgen, onyŋ 47-sı sotqa joldanǧan eken.
Däl qazırgı uaqytta Anyqtau basqarmasy taǧy bır qylmys­tyq ıstı qolǧa alǧan. Polisiia qyzmetkerlerı internet-resurs saittarynyŋ bırınde qolma- qol aqşaǧa medisinalyq qūjattardy ūsynu turaly habarlandyru bergen azamatty oqiǧa üstınde qolǧa tüsırıptı. Endı tergeu üşın tiıstı zertteuler taǧaiyndalǧan.
Qalalyq Densaulyq saqtau basqarmasynyŋ bastyǧy Kamaljan Nadyrovtyŋ özı de soŋǧy kezderı jalǧan därıgerlerdıŋ qolyn, medisinalyq qūjattary men mörlerın paidalanǧan derekter jiı oryn alyp jatqanyn jasyrmady. Būl mäsele aldaǧy uaqytta densaulyq saqtau salasyna sifr­landyru jüiesı keŋınen engızılgen kezde şeşımın tabuy mümkın. Degenmen QR Sybailas jemqorlyqqa qarsy ıs-qimyl agenttıgı tarapynan mūndai qūjattardy Halyqqa qyzmet körsetu ortalyqtarynan beru turaly arnaiy ūsynys qarastyryluda.