Astanaǧa Jambyl oblystyq qazaq drama teatry ekı kündık gastroldık saparmen keldı. 80 jyldyq tarihy bar öner ordasy elordalyqtarǧa Q.Ysqaq pen Ş.Qūsaiynovtyŋ «Qazaqtar» tarihi dramasyn, İ.Saparbaidyŋ «Syǧan serenadasy» muzykalyq dramasyn jäne kışkentai körermenderge arnap Ä.Faizullaūlynyŋ «Altyn adam» ertegısın ūsynady.
Astanada keşeden berı jürıp jatqan atalmyş qoiylymdardy astanalyqtar «Jastar» teatrynyŋ sahnasynan tamaşalai alady. Spektaklder bügın de jalǧasady. Jambyldyqtardyŋ elordaǧa sapary Qazaqstan Respublikasy Täuelsızdıgınıŋ 25 jyldyǧy men teatrdyŋ 80 jyldyǧyna orailastyrylyp otyr. «Elımızdıŋ bas qalasyna keluımızdıŋ maqsaty – Astana qalasy körermenderımen jüzdesıp, şyǧarmaşylyq esep beru. Akterlyq önerdı halyq arasyna keŋınen nasihattap, teatr önerınıŋ damuyna yqpal etu» deidı teatr ūjymy.
Osy öner ordasynyŋ astanalyqtarǧa ūsynyp otyrǧan qoiylymdaryna kelsek, «Qazaqtar» tarihi dramasy byltyr Qazaq handyǧynyŋ 550 jyldyǧyna orai Qazaqstannyŋ halyq ärtısı Ersaiyn Töleubaidyŋ basşylyǧymen sahnalandy. Onda Qazaq handyǧynyŋ qūrylǧan kezeŋınen bastap, sol jolda Kerei men Jänıbek sūltandardyŋ aldarynan şyqqan qiyndyqtar suretteledı. Drama arqyly körermen Äbılhaiyr, äz-Jänıbek, Kerei, Qasym, Būryndyq, Ädık syndy tarihi tūlǧalardy tani tüsedı.
«Syǧan serenadasy» muzykalyq dramasy halqymyzdyŋ bırtuar kompozitory Şämşı Qaldaiaqov ömırınen bır üzık syr şertedı. Al, «Altyn adam» ertegısı ötken ǧasyrda Esık qorǧanynan tabylǧan Altyn adamdy tırıltıp, sonyŋ basynan ötken hikaialardy qyzyqty etıp baiandaidy. Sol arqyly balalardy tarih tylsymyna jeteleidı.
Amanǧali QALJANOV
