Nūr-Sūltan qalasynyŋ äkımı Baqyt Sūltanov pen Memlekettık qyzmet ısterı jäne sybailas jemqorlyqqa qarsy ıs-qimyl Agenttıgınıŋ töraǧasy Alik Şpekbaev bas qalamyzdaǧy bırneşe nysandy aralap şyqty.
Alǧaşqy kezdesu ötken jyly ǧana aşylǧan EKSPO aumaǧyndaǧy «Sifrly qyzmet ortalyǧynda» öttı. Mūnda jinalǧan qauymǧa «Azamattarǧa arnalǧan ükımet» korporasiiasynyŋ basşysy Abylaihan Ospanov HQO-nyŋ jūmys tärtıbın tolyǧymen tüsındırıp berdı. Aituynşa byltyr «Astana – adaldyq alaŋy» jobasynyŋ bastamasymen 2400-ge juyq memlekettık qyzmetker sifrlyq sauattylyǧyn arttyru boiynşa «Sifrlyq qyzmet körsetu ortalyǧynan» ötken.
– Halyqqa qyzmet körsetudı negızınen ortalyq organdar aşady, sol siiaqty jergılıktı atqaruşy organdarmen deŋgeiles biznes-servistık ortalyqtar qūrudy qalap otyrmyz. Aldaǧy uaqytta kommunaldyq qyzmetterdı tolyǧymen aluǧa bolatyn qalalyq qyzmet körsetu ortalyǧyn aşudy josparlap otyrmyz. Öitkenı onda qajet anyqtamalar jeterlık, – dedı äkım.
Kezdesu barysynda azamattar üşın memlekettık qyzmetterdı tez ärı oŋai aludyŋ joldary talqylandy. Memlekettık mūndai qyzmetterdı sauda ortalyqtarynda ornalasqan terminaldardan alu joly qarastyrylyp jatyr. Jiyn barysynda mobildı qūrylǧylar arqyly memlekettık qyzmetterdı alu üşın «M-Gov» sektory, kölık jürgızudı üiretetın onlain «Digital Drive», «Video Call Room», memlekettık organdardyŋ bırınşı basşylaryna beinematerialdar beru sekıldı artyqşylyqtary körsetıldı.
Būdan keiıngı kezdesu Saryarqa audandyq sotynda jalǧasty. Būl jerde sot keŋsesı aşyq jäne tosqauylsyz qyzmet qaǧidaty boiynşa jūmys ıstep keledı. Sondai-aq, audandyq sotta alǧaş ret barlyq sūraqqa jauap beretın resepşn ıske qosylǧan. Al ǧimarat ışınde Wi-Fi, gadjetterdı zariadtauǧa arnalǧan arnaiy oryndar men yŋǧaily mediasiialyq bölmelerden bölek, tegın advokat, ıs barysymen tolyq tanysuǧa mümkındık beretın aqparattyq bölme, al QR-kod arqyly ötınış, şaǧym jazudyŋ ülgılerı qarastyrylypty. Sonymen qatar, elektrondyq kezek jüiesı engızılıp, ärbır adamnyŋ uaqyty men maqsaty jazylyp otyrmaq.
Barlyq zalda sudiaǧa, hatşyǧa, taraptar men prokurorǧa avtomattandyrylǧan jūmys oryndary engızılgen. Būl azamattyq ısterdı elektrondy türde qarastyruǧa mümkındık beredı. Ūialy beinekonferens bailanysty engızu arqyly sot prosesın mobildı türde üide köruge bolady nemese jūmys kezınde taraptar sotqa onlain rejımınde qatysa alady.
Baqyt Sūltanov pen Alik Şpekbaevtyŋ jūmysy Säulet, qala qūrylysy jäne jer qatynastary basqarmasynyŋ jaŋa keŋsesınde öttı. Jaŋadan salynǧan ǧimarat Open space ülgısı boiynşa tūrǧyzylypty. Işkı kabinetterı äinektermen jabdyqtaluy jūmys uaqytynda qyzmetkerlerdı baqylauǧa, ärıptester arasynda tyǧyz qarym-qatynas ornatuǧa mümkındık beredı.
Bügıngı taŋda basqarma memlekettık qyzmetterdı avtomattandyru boiynşa jūmystar jürgızıp jatyr. Atap aitqanda, memlekettık organ 22 memlekettık qyzmet körsetude. Būǧan deiın būl jerde elektrondyq nūsqadaǧy memlekettık qyzmetterdıŋ tek 2 paiyzy körsetılıp kelıptı, endı elektrondyq formatqa memlekettık qyzmettıŋ 39 paiyzy köşırıldı. Biyl qyzmettıŋ 80 paiyzyn elektrondy türge auystyru josparlanyp otyr.
