Bügınde elordada köşe jäne oralym ışın jaryqtandyru jūmystary belsendı atqaryluda. Būǧan deiın qalanyŋ 600 köp qabatty tūrǧyn üilerdegı eskı şamdardy jaŋa ülgıdegı şamdarmen auystyru jürgızıldı.
Mäselen, şaharda jyl basynan berı qosymşa 1500 şam ornatylǧan, onyŋ 700-den astamy – jaryqdiodty şam.
«Astana qalalyq jaryq» JŞS deregı boiynşa, jaŋa şamdar Oŋtüstık-Şyǧys audanyna, Zarechnyi, Telman, Agroqalaşyq tūrǧyn üi alaptaryna qoiyldy. Sondai-aq Atbasar, İmanov, Uälihanov, Sätbaev, Küişı Dina, Abylaihan, Q.Rysqūlbekov, Ainaköl jäne A.Baitūrsynov köşelerındegı köp qabatty üilerge jaryq ornatyldy. Al Studentter saiabaǧyndaǧy eskı baǧanalarǧa qoiylǧan şamdar jaŋa jaryqdiodty şamdarǧa auystyryldy.
Sonymen qatar Baiqoŋyr audanyndaǧy köşelerge 270 metr kabeldı montajdau jūmystary jürgızıldı. Esıl audanyndaǧy 116 metr kabel jelılerı qaita qalpyna keltırıldı.
Qazırgı künde E 16, Ş.Aitmatov köşesı men Qorǧaljyn tas joly oralymyn jaryqtandyru jūmystary ısteldı. Jyl soŋyna deiın Baiqoŋyr audanyndaǧy 53 köşege, Saryarqa audanyna qarasty Jeldırme, Besşatyr köşelerıne jäne Qoǧaly, Maralsai tūiyq köşesıne jäne Şyǧys İlinka tūrǧyn alabyna ornatu josparlanǧan.
