Elordada ötıp jatqan halyqaralyq säuletşıler kongresı aiasynda «qala tynysy: aqyldy audan» baiqauynyŋ jeŋımpazdary anyqtaldy. Būl jolǧy gran-pridı bas şaharǧa qysqy jylyjai salu ideiasyn ūsynǧan top jeŋıp aldy.
Biylǧy baiqauǧa 150 adamnan qūralǧan 40 komanda jinaqtaldy. Qatysuşylarǧa üş baǧyt boiynşa mındetter qoiyldy. Olar jaŋa tehnologiialardyŋ innovasiialyq şeşımderı, qala qūrylysy jäne qalalyq ortany oŋtailandyru, sondai-aq, «jasyl» bastamalar dep ataldy. Är top özderı taŋdaǧan baǧyt boiynşa 48 saǧat ışınde jaŋa ideia ūsynu qajet. Soŋǧy märege 40 komandadan suyrylyp 11 komanda şyqty.
– Saiys öte qyzyqty ärı tartysty öttı. Är komanda özderınıŋ ozyq ideialarymen jaŋaşa körındı. Mūnda bırınşı oryndy Nazarbaev universitetınıŋ studentterı ielendı. Olar tūrǧyn üi iesı ūialy bailanyspen kölıgıne oryn alu üşın RBNB arqyly tūraq paidalanudy ūsyndy. Ekınşı oryndy qaladaǧy aǧyndy sulardy tazartuǧa arnaǧan jobany bergen top aldy. Üşınşı oryn mümkındıgı şekteulı adamdarǧa IT-mektebın qūru ideiasyn aitqan komandaǧa berıldı. Jüldegerlerdıŋ bärı özderınıŋ ideialaryn «Jastar» yqşam audanyndaǧy innovasiialyq şeşımder zerthanasynda «Aqyldy okrug» jobasy aiasynda jüzege asyrady, – dedı «Astana Innovation» AQ basqarma töraǧasy Oljas Sartaev.
