Bar ömırın densaulyq saqtau salasyna arnap, ūzaq jyldar boiy jemıstı eŋbek etıp, halyqtyŋ ystyq yqylasy men alǧysyna bölenıp jürgen därıgerler az ba aramyzda. Solardyŋ bırı – ūjymymyzdyŋ maqtanyşy, öz ısınıŋ mamany Läzzat Aiaşeva.
Jastaiynan eŋbekqor bolyp ösken Läzzat Haibrahmanqyzy segızınşı synypty aiaqtaǧan soŋ öz qalauymen Atbasar medisinalyq uchilişesıne oquǧa tüsıp, onyŋ medbike ısı bölımın üzdık baǧamen bıtırıp şyǧady. Eŋbek jolyn Selinograd qalasynyŋ Jedel medisinalyq järdem beru auruhanasynyŋ qabyldau bölımınıŋ medbikesı qyzmetınen bastaidy. 1982 jyly meduchilişenıŋ joldamasymen Selinograd memlekettık medisina institutyna tüsıp, 1988 jyly «emdeu ısı» fakultetın oidaǧydai aiaqtaidy. İnstitutta oqyp jürgen kezınıŋ özınde medbike jūmysyn jalǧastyryp, täjıribe jinaqtai bılgen Läzzat Haibrahmanqyzy bır jyldyq internaturadan keiın №6 qalalyq auruhanǧa infeksionist därıger qyzmetıne qabyldanady. Al 1993 jyldan berı ol qalalyq jūqpaly aurular auruhanasynda infeksionist, jiyrma jyldan astam uaqyttan berı osy mekemede eŋbek etıp keledı.
2001jyldan bastap ultradybysty diagnostikalau därıgerı mamandyǧyn meŋgergen L.Aiaşevanyŋ sol saladan 2011 jyldan berı bırınşı bılıktılık sanaty bar. Ol radiosiondy jäne säulelı diagnostika salasynda jaŋa tehnologilardy öz jūmysynda belsendı paidalanuda. Täjribesın ünemı teoriiamen jalǧastyryp, bılım sapasyn är uaqytta nyǧaityp otyratyn bılıktı maman Sankt-Peterburg, Qazan, bırneşe ret Almaty qalalarynda oqyp, jūqpaly aurulardyŋ diagnostikasyn naq anyqtau, gepatalogiianyŋ taŋdauly mäselelerı sekıldı taqyryptar boiynşa bılım därejesın jetıldırıp qaitty.
Jan-jaqty bılıktı maman ärı adamgerşılıgı mol azamatşa retınde de özın tanyta bılgen Läzzat Haibrahmanqyzyn auruhana äkımşılıgı 2012 jyldyŋ şılde aiynan bastap bölımşe meŋgeruşısı lauazymyna taǧaiyndady. Sol jyldan berı ol Halyqaralyq Euroaziattyq infeksionister qoǧamynyŋ müşesı bolsa, 2010 jyldan berı – qalalyq №2 auruhananyŋ tūraqty infeksionist keŋesşı därıgerı.
Ertelı-keş tynymsyz eŋbek etıp janǧa daua, jürekke jylu berıp jürgen abzal jan memlekettık «Salamatty Qazaqstan» baǧdarlamasyn oryndaudy basty baǧyt dep bıledı. Ūjymdaǧy jas mamandar arasynda da, nauqastar arasynda da nasihat jūmystaryn belsendı jürgızude. Salauatty ömır saltyn qalyptastyru densaulyq saqtau ısınıŋ basty mındetı dep sanaidy. «Auyryp em ızdegenşe, auyrmaudyŋ jolyn ızde» degen qaǧidany ünemı qoldanyp otyrady. Bırneşe ret radio, teledidardan sūhbat berıp, jergılıktı gazet-jurnaldarǧa maqalalary basylyp şyqty. Auruhanamyzdyŋ qoǧamdyq ömırınen de tys qalyp körgen emes, sporttyq ıs-şaralarǧa belsene qatysyp tūrady.
L.Aiaşeva – «Nūr Otan» partiiasynyŋ bedeldı müşesı. Eŋbegıne orai bırneşe ret Astana qalasynyŋ Densaulyq saqtau departamentınıŋ, auruhana äkımşılıgınıŋ qūrmet gramotalarymen marapattalǧan. 2012 jyly adal eŋbegı üşın «Şapaǧat» tös belgısımen marapattaldy.
Kökenai TAŞİMOVA,
Qalalyq jūqpaly aurular auruhanasynyŋ salauatty ömır saltyn
nasihattau därıgerı
