Avtomatika. Būl – Saryarqa audanyna qarasty qala syrtyndaǧy yqşam audan. Yqşam audan degen aty ǧana bolmasa, ondaǧy 2-3 qabatty eskı jäne apatty üiler tiıstı baǧdarlama negızınde sürılıp, qazır mūnda tek bes qabatty jalǧyz üi qalǧan.
Jolyn bılmeseŋ, Avtomatika, №6 mekenjaiyn tauyp baru qiynnyŋ qiyny eken. Köşedegı jön sūraǧannyŋ köbısı oqşau jatqan yqşam audannan beihabar bolyp şyqty. Onymen qosa, būl mekenjai elektrondy karta 2GIS-ke de engızılmeptı. Hoş, äupırımdep Avtomatika yqşam audanyna da kelıp jettık äiteuır. Mūnda ainalaǧa qarasaŋ, köz aldyŋa erıksız soǧystan keiıngı eldı meken elesteidı eken. Qiraǧan üiler. Şaşylǧan qoqys. Qaŋǧyǧan itter. Bıraq adam qarasy asa körınbeidı. Tek ortadaǧy 40 otbasy tūratyn bes qabatty tūrǧyn üi ǧana tırşılıktıŋ auanyn sezdırıp tūr. Onyŋ özınde de üidıŋ jaǧdaiy jaqsyǧa ūqsamaidy. Qabyrǧasy qaqyrap tūr. Keibırı päterlerıne peş salyp alypty. Qabyrǧany qara küiege boiaǧan bıren-saran mūrjadan tütın budaqtap jatyr. Soǧan qaraǧanda, būl üi jyludan ajyratylǧan. Podezdıŋ ışıne bas sūǧyp, üi tūrǧyndarymen tıldesuge tyrystyq. Köbısı esık aşpady. Besınşı qabatqa deiın köterıldık. Podezdıŋ ışı adam şoşyrlyqtai eken. Tazalyq degen atymen joq. Elektr symdary aşyq-şaşyq jatyr. Tek 5-qabat qana mūntazdai bolyp şyqty. Mūnda Gülmira Bisembaeva syndy keibır tūrǧyn özderı üşın ünemı tazartu jürgızedı eken. Onyŋ aituynşa, osy üide naşaqorlar tūratyn körınedı. Tılşılermen söilesken Gülmira mūŋyn şaǧyp, üidıŋ jai-küiın äŋgımelep berdı. Bır qyzyǧy, būl üi apatty dep tanylmapty.
– 1990 jyldary salynǧandyqtan, ysyryluǧa jatpaityn bolyp şyqty. Maŋaiymyzdaǧy apatty dep tanylǧan eskı üilerdıŋ bärı küreldı. Al bızdıkı jyly jaŋa üilerdıŋ qataryna enıp ketıptı. Bız osynda amaldyŋ joqtyǧynan ǧana tūryp jatyrmyz. Äitpese, mūnda tūru öte qorqynyşty ärı qauıptı. Nege deseŋız, būl üi aidalada ornalasqandyqtan ba, mekendeuşılerdıŋ köbı – maskünemder men naşaqorlar. Kıreberıstıŋ barlyǧyn lastap tastaidy. Özara töbelesıp te jatady. Tünde
şyǧuǧa qorqamyz. Nege ekenın bılmeimın, bıraq mūnda qanşa şaqyrtsaq ta, polisiia, jedel järdem qyzmetkerlerı mülde at ızın salmaidy, – deidı G.Bisembaeva. – Sonymen qatar, sudy da tasyp ışemız. 1-2-qabat bolmasa, joǧaryǧa su jetpei qalady. Jalpy,
üige jylu berılmeidı. Al bızdıŋ päterımızde peş bolmaǧandyqtan, elektr jylytqyşty paidalanamyz. Onyŋ özınde de elektr jaryǧy jiı sönıp qalady. Sondai kezde balalarymyzǧa obal. Bıraq ai saiyn elektr jaryǧy men auyz suǧa tölemaqyny tūraqty türde töleimız. Alaida eşqandai mekeme bızge qyzmet körsetpeidı. Byltyr dälızdegı elektr symdarynan ot tūtanyp, saldarynan üş bala örtenıp, jan täsılım ettı. Özımızdı aidalada qalǧandai sezınemız. Joǧarǧy jaqtan kömek kütemız.
Tūrǧyn üidıŋ maŋynda düken de joq eken. Azyq-tülık alu üşın tūrǧyndar qalaǧa sabylatynyn aitady. Al būl jaqqa jalǧyz qoǧamdyq kölık, iaǧni №24 avtobus qana qatynaidy. Alaida būl avtobus ta tek kestemen ǧana jüretın körınedı. Sebebı kelıp-ketetın adam az. Onyŋ özınde de mūnda keletın jolauşylardyŋ köpşılıgı zeinetkerler bolǧandyqtan, koǧamdyq kölık qyzmetıne tym tiımsız tärızdı.
Sebebı olardyŋ jolaqysy – tegın. Janar-jaǧarmaidy aqtamauy da mümkın. Sondyqtan tūrǧyndar būl avtobustyŋ da joly qysqaryp, baǧyty özgerıp kete me dep alaŋdauly.
Mūnda jekemenşık päterlerıne jöndeu jūmystaryn jürgızıp jatqandar da joq emes körınedı. «Bıraq eskını jamap-jasqaǧannan qanşalyqty paida bar deisız? Äzırge ortasynan opyrylyp qūlamai tūrǧanda üiımızdı apatty dep tanyp, jaŋa qonysqa köşırılsek eken» deidı tūrǧyndar.
Japandaǧy jalǧyz üidıŋ mäselesı ötken aptada qala äkımınıŋ bırınşı orynbasary Sergei
Horoşunnyŋ tūrǧyndar aldyndaǧy eseptık kezdesuınde de köterıldı. Jaǧdaidan habardar bolyp şyqqan äkım orynbasary audandyq äkımdık jäne tūrǧyn üi inspeksiiasy ökılderımen bırge osy üidı arnaiy baryp köretının jetkızdı.
Nūrdäulet KÄKIŞEV
