Erbol aǧamen şyǧarmaşylyq bailanysymyzǧa negızgı sebepker «Arman qala – Astana» änı boldy. Bırde Almatyda Mädeniet ministrlıgınde ısteitın belgılı sazger aǧamyz Jolaman Tūrsynbaev menı şaqyryp alyp: «Maratjan, Erekeŋ maǧan amanat etıp myna öleŋdı jazyp bergen edı. Sol aǧaŋa jolyqsaŋ qalai bolady? Osyǧan ändı bır şyǧarsaŋ, sen şyǧara alasyŋ-au» dep maǧan jüktedı.
Erbol aǧa qyzmet jasaityn ǧimaratqa baryp, kabinetınıŋ esıgın qaqtym. Bäkene boily, qaǧylez kısı eken. Jyly şyraimen qarsy aldy. «Tüsı igıden tüŋılme» deidı ǧoi atam qazaq. Öleŋdı oqi bastaǧanda äser etkenı sondai, sol jerde boiymyzdy şabyt qysty.
Äuenı kökıregımde sairap tūr, ony tek şyrqai jönelu kerek sekıldı. «Aǧa, mynau daiyn än ǧoi» degen söz auzymnan şyǧyp kettı… Şydai almai:
Saryarqa sauyrynda,
Erke Esıl bauyrynda,
Keledı boi köterıp
Arman qala Astana, – degen joldaryn kübırlep qaitalai berdım.
Osy kübırlegen küiı üige qalai jetkenımdı de bılmeimın. Än daiyn. Quanyşym qoinyma syimai barady. Sodan bır kün öter-ötpesten Erbol aǧama habarlasyp: «Aǧa, än şyqty Qūdai qalasa» dedım. Ol kısı de balaşa quandy sol sätte. Sonymen ne kerek, aǧanyŋ būl änı öte sättı tuyndylarymnyŋ bırıne ainalyp, «Aziia dauysynda» laureat atandy.
1997 jyly mamyr aiynda bırınşı ret «Arman qala – Aqmola» dep elordanyŋ Jastar saraiynda qyzym Zarina, Säken Maiǧaziev syndy özge de bır top jastarmen konsert berıp, soŋynda osy ändı taza dauysta oryndaǧan bolatynbyz. Sodan köp ötpei, qala Astana boldy. Bır jaqsysy, bız «Arman qala – Aqmolany» taza dauysta aityp jürgendıkten, keiın ändı studiiaǧa jazdyrǧanda Aqmolanyŋ ornyna «Arman qala – Astana» dep qaiyrmasyn jymyn bıldırmei oŋai auystyrdyq.
Keiın bırer jyl ötkennen soŋ aru Astanamyzǧa kelıp, Kongress-holda konsert berdık. Sol kezde köpşılık aldynda «Arman qala – Astananyŋ» öleŋın jazǧan Erbol aǧany tanystyrdym. Zal toly halyq aqynǧa erekşe riza bolysty.
Arqa-jarqa ötken osy bır konserttıŋ soŋynda orta jasqa kelıp qalǧan bır orys zaiybymen kelıp, Astanaǧa şyǧarylǧan osynau än üşın rahmetın aityp jatty. Osy tūs qasyndaǧy adamdardyŋ bırı «Mümkın mätının orysşaǧa audartarsyz» dep edı, älgı äiel ony bırden tyiyp tastady. «Ne nado perevesti, itak poniatno. Mūny orysşaǧa audarudyŋ tük te qajetı joq. Osy qazaq tılınde, tüpnūsqada tamaşa estılıp tūr» demesı bar ma?! Menıŋ de töbem kökke ekı elı ǧana jetpei qaldy.
1998 jyly Astanaǧa köş aua bastady. Būl änım poiyz jolda köptegen adamdarǧa äser etıp, olardyŋ Astanaǧa degen süiıspenşılıkterın odan da arttyra tüskenın talai jannan estıdım. Sırä, aqyn jürek öleŋ joldary arqyly tereŋınen ūǧyndyryp, Astanamyz elge, jerge, jastarǧa da arman bolatynyn sezdırgendei bolypty-au. Aǧamen būdan keiın de şyǧarmaşylyq bailanysymyzdy üzbei «Asyl jar» degen än şyǧardym. Būl än Erbol aǧamyz ben jeŋgemızdıŋ vals bilep jürgen kezınde şabyttanǧannan tuǧan-tyn…
Osynau ǧaziz jannyŋ qapiiada mezgılsız dünie salmaǧanda bügınde alpys jasqa tolar edı. Älı de bolsa bırlesıp jazar şyǧarmaşylyq dünieler mol edı. Amal neşık! «Arman qala – Astana» öleŋımen jürekterge jol tartqan abzal aǧanyŋ pendeşılıkten ada, aq köŋıl beinesı menıŋ jüregımde ärdaiym saqtalyp qalmaq…
Marat OMAROV,
Qazaqstannyŋ eŋbek sıŋırgen ärtısı, kompozitor.
