Ūstaz – anadan keiingi ūly esim. Ol qoǧam ömiriniŋ tamyrşysy sekildi, uaqyt bülkilin tap basyp, bolyp jatqan oqiǧalardyŋ astarynan äleumettik män izdeidi. Jas ūrpaqty bilim närimen susyndatyp qana qoimaidy, ömirdiŋ san tarau jolynda olarǧa dūrys baǧyt-baǧdar berip, aq pen qaranyŋ arajigin ajyratyp, tanyp-biluge ölşeusiz qyzmet etedi. Solardyŋ biri – Saqan Sätmaǧanbetov.
Ol büginde Astanadaǧy №8 bilim oşaǧyn basqarady. Bärekeldi deisiŋ. Sonan soŋ Saqan Eleusizūly turaly oilanasyŋ, tolǧanasyŋ. Öitkeni, adamdardyŋ esinde ötkeni emes, öskeni ǧana jüredi. Ömir zaŋy solai. Ol, mine, alpystyŋ asqa-ryna şyǧyp otyr. Būl küni ony qūttyqtaityndardyŋ köp bolatyny belgili. Maqtau sözden şaşu şaşyp, qyryqqūraq bolatyndar da taby-lar. Al, men zamandas dosymnyŋ sonyŋ bärine küle qarap, jaqsy söz ben jaramsaq sözdiŋ arajigin ajyratyp aşyp, öz köŋiline qonatyn, riiasyz şyndyqty ǧana qabyl alyp, köŋiline toqitynyn jaqsy bilemin. Olai bo-latyny, Saqan Sätmaǧanbetovtiŋ bügingi künge deiin imandylyq jolynan jaŋylǧanyn körgen emespin. Ömir boiy bir ǧana ūstazdyq qyzmette jürgenin ol öz eŋbegimen, halyq aldyndaǧy jauapkerşiligimen mektep direktorlyǧyna deiin jetti.
Jaratylysynan öte qarapaiym, jas jetkinşekter tärbiesinde olarǧa arnaǧan sözin tildiŋ ūşynan emes, jürekten şyǧaryp aitady. Tirlikte mynau dünie men malǧa boi aldyrmady, kisiligi men aryna kir şaldyrmady, kişiligi kisiliginen, iriligi isinen, oimūraty otanşyl-dyǧynan, adaldyǧy ädildiginen, parasaty paiymdylyǧynan tanylyp tūrady. Jomart tabiǧat boiyna ǧajaiyp adami qasietterdi molynan da-rytqan, qatarynan iyǧy asyp tūratyn sūŋǧaq boily, körgen jannyŋ közin süisindiretin sūlu pişindi, märt minezdi, keŋpeiildi, bilimdi de zerek ūiymdastyruşy, tyndyrylǧan aluan ister men köptiŋ igiligine ainalǧan barşa jetistikterdi bir özi iemdenuden är uaqyt aulaq jüredi.
«Ūstazdyŋ da ūstazy bar» demekşi, jūmys bolǧan soŋ onyŋ küngeii men köleŋkesi de bolatyny şyndyq. Sondai sätterde tarazy basyna adamnyŋ atqarǧan jūmystaryn salar bolsaq, Saqannyŋ jaqsylyǧy basym tüsip jatady.
Qazirgi Astana, sol kezdegi Selinograd qalasynda düniege kelgen ol orta mektepti üzdik bitirgen soŋ, S.Seifullin atyndaǧy Selinograd memlekettik pedagogikalyq institutyna oquǧa tüsedi. Eŋbek jolyn osy qaladaǧy №4 qazaq orta mektebinde mūǧalimdikten bastaidy. Sodan beri «elim, jūrtym» dep jürip, qyryq jyl ūstazdyq etipti. Azamattyq jauapkerşiligi joǧary, ūjymyna talap qoia biletin S.Sätmaǧanbetov oqu isiniŋ üzdigi, Astana qalasynyŋ on jyldyǧyna orai merekelik medalmen marapattaldy.
«Men sol sätterde Elbasymyz Nūrsūltan Nazarbaev bastaǧan jaŋa Qazaq-stannyŋ tarihy Qazaq eli mūratymen sabaqtasqanyn sezinip qatty quandym», – dep eske alady ol.
Saqan Eleusizūly täuelsiz eline däiim tileules, qabyrǧaly ūstaz qauymynyŋ abyroiy aspandauyn qalap otyrady. Osyndaida Prezi-dentimiz N.Nazarbaevtyŋ: «Ziialylar qai zamanda da ömir syry men synyn jan jüregimen baǧamdap, tolǧai bilgen, halqynyŋ keleşektegi taǧdyryn zerek köŋilmen boljai bilgen jandar» degen sözi eriksiz oiǧa oralady.
Öz ǧūmyryn ūstazdyq qyzmetke arnaǧan, jas jetkinşekter tälim-tärbiesin basty maqsat tūtqan zamandas dosymyz täuelsiz eliniŋ keleşegi jarqyn bolaryna kämil senedi. Biz de oǧan ädemi qartaiyp, ortamyzda däiim din aman jüriŋiz, laiyqty er minezdi el aǧasy bolyŋyz demekpiz.
Mūhit ŞERMŪHANŪLY,
«Eren eŋbegi üşin» medaliniŋ iegeri
