Keşe Astana qalasy Tılderdı damytu basqarmasynyŋ ūiymdastyruymen «Tılep» qobyz saraiynda Qazaqstan Respublikasy Täuelsızdıgınıŋ 25 jyldyǧyna arnalǧan «Mäŋgılık el – mūratym» jas aqyndar müşäirasy men «Azattyq ünı» jyr-termeşıler baiqauy öttı.
– Biyl elımızdıŋ egemendık alǧanyna 25 jyl tolyp otyr. Būl – bärımızge ortaq mereke. Täuelsızdık toiyn jas aqyndarymyz, jyrşylarymyz, termeşılerımız öz önerımen asqaqtatyp, eldıgımızdı paş etedı, – dedı şarany aşqan qalalyq Tılderdı damytu basqarmasynyŋ basşysy Tıleuǧali Qyşqaşbaev.
Müşäira jäne baiqauǧa şart boiynşa 16-30 jas aralyǧyndaǧy ümıtkerler qatysuǧa ötınış berdı. Nätijesınde 13 aqyn ırıkteuden ötıp, qorytyndy kezeŋge joldama aldy. Sahnaǧa şyqqan olardyŋ ärqaisysy täuelsızdık turaly jäne erkın taqyryptaǧy öleŋderın oqydy. Aqyndardy S. Seifullin mūrajaiynyŋ ǧylymi qyzmetkerı, ädebiettanuşy ǧalym Iliias Rysbekūly, Abaitanu» ǧylymi-tanymdyq ortalyǧynyŋ direktory Almahan Mūhametqaliqyzy, «Şabyt» halyqaralyq jastar festivalınıŋ laureaty Asylzat Arystanbek, «Daryn» memlekettık jastar syilyǧynyŋ laureaty Qalqaman Sarin baǧalady. Qorytyndysynda aqyndardan Jūldyzai Ysqaq bırınşı oryndy ielendı. Sūlujan Taubaldy men bızdıŋ şamalauymyzşa osy müşäiranyŋ eŋ jas qatysuşysy bolǧan Älkei Marǧūlan atyndaǧy № 40 orta mekteptıŋ 11 synyp oquşysy Eldos Änkei ekınşı orynnan körındı. Üşınşı oryn Tılek Tobyqbaev pen Bekmūrat Ömırbekke berıldı.
Jyr-terme saiysyna qatysuşylarǧa QR mädeniet qairatkerı, Qazaq ūlttyq öner universitetı janyndaǧy Qorqyt ata atyndaǧy ǧylymi-zertteu institutynyŋ qazaq aqyndary, jyrau, şeşendık öner zerthanasynyŋ jetekşısı, professor Amandyq Kömekūly, Qazaqstannyŋ eŋbek sıŋırgen qairatkerı, belgılı änşı Klara Tölenbaeva qazylyq ettı. Būl baiqauda Nūrbek Sansyzbaev bas jülde aldy. Ekınşı oryn Feruza Oŋtalapqa, üşınşı oryn Rahat Begasylovqa būiyrdy. Saiys qorytyndysynda jeŋımpazdarǧa arnaiy jüldeler men diplomdar tapsyryldy. Būǧan qosa yntalandyru syilyqtary tabystaldy.
Amanǧali QALJANOV
