Elordada jūmys ısteitın jastarǧa satyp alu qūqyǧynsyz 5 jylǧa jalǧa berıletın tūrǧyn üi aluǧa qūjat qabyldau aiaqtaldy. 1-6 jeltoqsan künderı 5463 ümıtkerden ötınış tüstı.
7 jeltoqsannan 12 jeltoqsanǧa deiın talapkerler qūjattar toptamasyna tüzetuler engıze alady. Ötınış beruşılerge qatysu.zhilfond.kz portalyna tırkelu kezınde körsetken telefon nömırıne öz märtebesı turaly SMS habarlama jıberıledı. Eger ümıtker «Qatysuǧa qūqyly» degen habarlama alsa, onda ol tızımdegı qūjattardy tolyq tırkegenın jäne baǧdarlama şarttaryna säikes keletındıgın bıldıredı. Būl jaǧdaida ıstıŋ nätijesın kütu kerek.
Eger habarlamada «Tüzetu qajet» dep jazylsa, onda ötınış beruşı qūjattardy tırkegen kezde qatelıkke jol bergen, olar qūjattaryn tolyqtyryp qaita tırkeuıne bolady. Qandai qūjattardyŋ qajet ekenı jeke kabinette körsetılgen.
Eger «Terıske şyǧaryldy» degen SMS kelıp tüsse, demek ötınış beruşı baǧdarlama şarttaryna sai kelmeidı. Mysaly, menşık qūqyǧyndaǧy mülkı bar, tabysy jetkılıksız jäne t. b. Jalpy ümıtkerdıŋ elektrondy poştasyna naqty sebebı jıberıledı.
Baǧdarlama talaptaryna säikes, soŋǧy ekı jylda menşık qūqyǧynda tūrǧyn üiı joq 29 jasqa deiıngı Qazaqstan azamattary jalǧa berıletın tūrǧyn üi aluǧa ötınış bere alady. Sonymen qatar erlı-zaiyptylardyŋ atynda jäne balalarynyŋ mülkı bolmauy maŋyzdy. Mındettı türde soŋǧy ekı jyl ışınde tūraqty tırkeude tūruy kerek. Sondai-aq ötınış beruşılerdıŋ resmi kırısı 40 AEK nemese soŋǧy alty aida 111120 teŋge mölşerınde boluy şart.
Baǧdarlama boiynşa barlyǧy 350 bır bölmelı jaldamaly päter beru josparlanyp otyr. Ol üiler R.Qoşqarbaev daŋǧyly men Qordai daŋǧylynyŋ qiylysynda, sondai-aq Abylai han men B.Momyşūly daŋǧylynda ornalasqan. Tūrǧyn üidıŋ audany 31-den 47 şarşy metrge deiın. Ai saiynǧy jaldau aqysy 5000-nan 15000 teŋgege deiın bolady. Jalǧa alu merzımı – 5 jyl.
Satyp alu qūqyǧynsyz jalǧa berıletın tūrǧyn üidı aluşylardyŋ tızımı zhilfond.kz saitynda jariialanady.
Baǧdarlamaǧa qatysty tuyndaǧan sūraqtar boiynşa 109 bailanys ortalyǧyna habarlasuǧa bolady.
