Memleket basşysy Q.Toqaev 29 jasqa deiıngı azamattarǧa 16 jeltoqsannan bastap Nūr-Sūltan, Almaty jäne Şymkent qalalarynda päter saludy tapsyrǧan bolatyn. Osy tapsyrmaǧa orai jūmys ıstep jürgen jastarǧa satyp alu qūqyǧynsyz jalǧa baspana berıletın boldy.
Ol turaly Ortalyq kommunikasiialar qyzmetınde Aqparat jäne qoǧamdyq damu ministrlıgı (AQDM) Jastar jäne otbasy ısterı komitetınıŋ töraǧasy Madiiar Qojahmet mälım ettı.
Memleket basşysy jastarǧa arnap Nūr-Sūltan, Almaty, Şymkent qalalarynyŋ ärqaisynda jyl saiyn kemınde 1000 päterden saludy mındettedı. Ereje boiynşa jaldamaly päter ielenuge niet etkender atalǧan qalalarda kemı 2 jyl tūruy tiıs. Jäne jyljymaityn mülkı bolmauy kerek. Sondai-aq ümıtkerlerdıŋ bastapqy jarnany jinauǧa qyzyǧuşylyǧy oianuy üşın bankterde jeke esepşoty boluy şart.
– Jobanyŋ maqsaty – jastardy baspanaly boluǧa yntalandyru, qoldau körsetu. Jaldamaly päter alǧysy keletın azamattyŋ qyzmettegı jetıstıkterın rastaityn qūjattary ūsynylsa qosymşa jeŋıldıkter berıledı. Al otbasyn qūryp, balasy bolsa, arnaiy baǧalar qarastyrylǧan, – dedı Aqparat jäne qoǧamdyq damu ministrlıgı Jastar jäne otbasy ısterı komitetınıŋ töraǧasy Madiiar Qojahmet Ortalyq kommunikasiialar qyzmetınde ötken jiynda.
Statistikaǧa süiensek, qazırgı uaqytta respublikamyzda 14-29 jas aralyǧynda 4 millionǧa juyq jas bar. Onyŋ 245 myŋy – Nūr-Sūltan qalasynda, 700 myŋy – Almaty qalasynda, 260 myŋy Şymkent qalasynda tūrady. Osy üş qalada üş jylda 9 myŋ päter tapsyrylady dep josparlanyp otyr. Päterler 5 jylǧa jalǧa berıledı. Olardyŋ jalǧa beru aqysy aiyna 10-12 myŋ teŋgenı qūraidy. Būl esepke kommunaldyq tölemder kırmeidı. Baǧdarlamany jüzege asyru üşın biudjetten 21 milliard teŋge bölındı.
– Qazırgı uaqytta osy päterlerdıŋ konkurstyq qūjattary daiyndalyp jatyr. Jospar boiynşa qaraşa aiynan bastap qūjattar qabyldanady. Ol üşın arnaiy bır jerge baryp kezekke tūrudyŋ qajetı joq. Qūjattardy qabyldau Smart Astana platformasynda tolyǧymen elektrondy türde ūiymdastyrylady, – dedı Nūr-Sūltan qalasy äkımdıgınıŋ Qoǧamdyq damu ısterı basqarmasynyŋ bölım basşysy Talǧat Rahmanberdı.
Jastarǧa arnalǧan jaldamaly tūrǧyn üi baǧdarlamasynyŋ alǧaşqy kezeŋı 2021 jylǧa deiın jūmys ısteidı. Odan keiın baǧdarlamany jetıldıru jäne ony elımızdegı basqa qalalarda da jalǧastyru şaralary jüzege asyrylady. Ükımetten päter jalǧa berılgen merzım ışınde jastardyŋ özderınıŋ jeke baspanalary üşın tiıstı qarjyny jinap aluǧa mümkındıgı bar.
Jalǧa berıletın üilerdı bölu kezınde jas otbasylarǧa, naryqta neǧūrylym sūranysqa ie 100 mamandyq ielerıne, jas käsıpkerlerge, biudjettık ūiymdar qyzmetkerlerıne basymdyq berıledı. Jaldamaly baspanaǧa ie bolu üşın qajet qūjattar tızımı ministrlıktıŋ saitynda körsetılgen.
Ereje boiynşa negızgı talaptardyŋ bırı – ötınış beruşınıŋ tabys közı 40 AEK-ten tömen bolmauy kerek. Būl – şamamen 101 myŋ teŋge. Öitkenı üi ielenuşı jaldamaly päterdıŋ aqysy men kommunaldyq qyzmet tölemderınen basqa, tabysynyŋ belgılı bır bölıgın ai saiyn ekınşı deŋgeilı bankterde depozit jinaqtau üşın de salyp otyruy kerek. Joǧarydaǧy esepke süiensek, osy bes jyl ışınde 1,5-2 million teŋge qarajat jinalady. Osy bastapqy jarna üş qalanyŋ üi naryǧyndaǧy baǧasy 7-8 million teŋge bolatyn ekonom sanattaǧy baspanalardyŋ bırıne ie boluǧa jetkılıktı.
