Qalalyq äkımdıkte «Tıl tazalyǧy – barşaǧa ortaq ıs» jobasy aiasynda elorda äkımınıŋ orynbasary Malika Bektūrovanyŋ töraǧalyǧymen jiyn öttı.
Būl jiynda şahardaǧy Tıl turaly zaŋnyŋ oryndaluy, jarnamadaǧy qatelıkterdı tüzetu sekıldı mäseleler söz boldy.
Tılderdı damytu jäne arhiv ısı basqarmasynyŋ basşysy Tıleuǧali Qyşqaşbaev elordada memlekettık tıldıŋ aiasyn keŋeitu baǧytynda atqarylǧan jūmystarǧa toqtaldy.
– Biyl «Tıl tazalyǧy – barşaǧa ortaq ıs» atty jobany bastadyq. Joba arqyly tek memlekettık organdardy ǧana emes qala tūrǧyndaryn da tıldıŋ tazalyǧyn saqtauǧa jūmyldyryp otyrmyz. Osy rette şahardaǧy rūqsatsyz ılıngen, zaŋ talaptaryna qaişy keletın syrtqy jarnamany anyqtau, zerdeleu, taldau maqsatynda bes jūmys toby qūryldy. Olar säuır-mamyr aiynda 70-ke juyq köşenı aralap, şaǧyn jäne orta biznes subektılerın syrtqy jarnamasy men körnekı aqparattaryna saraptama jürgızdı. Aksiia barysynda Saryarqa audanynan – 350 nysan, Almaty audanynan – 500 nysan, Esıl audanyndaǧy 150 nysannyŋ syrtqy jarnamasy zaŋ talaptaryna sai kelmeitındıgı anyqtaldy. Sonymen bırge zaŋǧa säikes emes 400-den astam jarnama, körnekı aqparat alynyp tastaldy. Jäne şahardaǧy jekemenşık balabaqşalardyŋ syrtqy jarnamasy men körnekı aqparattary da syn kötermeidı, – dedı basqarma basşysy
Jiynda oqylǧan baiandama men aitylǧan pıkırlerdı qorytqan Malika Bektūrova atalǧan jobanyŋ ekınşı kezeŋın bastauǧa jäne būǧan memlekettık organdar basşylary men audan äkımderı jauapkerşılıkpen qaraudy mındettedı.
– Audan äkımderı öz aumaqtaryŋyzdaǧy päter ielerı kooperativterı töraǧalarymen kezdesıp, tıl salasyndaǧy zaŋ normalaryn qataŋ saqtaityn uaqyt jetkenın tüsındırulerıŋız kerek. Sondai-aq jekemenşık balabaqşalar men oqytu ortalyqtaryndaǧy tıl mäselesındegı kemşılıkterdı Bılım basqarmasy, Tılderdı damytu jäne arhiv ısı basqarmasymen bırlesıp tüzeŋızder. Būl jūmysty bır ai ışınde atqarudy jükteimın. Jolauşylar kölık basqarmasyna qatysty da syn-eskertpeler köp. Äleumettık jelıler arqyly şaǧymdar jiı tüsedı. Osyǧan bailanysty qoǧamdyq kölık pen aialdamalardaǧy qatelıkter men zaŋsyzdyqtardy tüzetu jūmystaryn şūǧyl qolǧa aludy tapsyramyn, – dedı äkım orynbasary.
