Keşe Astana qalasyndaǧy jedel järdem stansasynyŋ ortalyǧynda BAQ ökılderıne arnalǧan arnaiy baspasöz tury öttı.
Baspasöz tury kezınde jaǧdaiy naşarlaǧan adamǧa alǧaşqy kömek qalai jüzege asyrylatyny körsetılıp, 103 qyzmetınıŋ dispetcherlık jūmysy tanystyryldy. Mūnda mamandar ärbır qoŋyraudy tört sanatqa bölıp qarastyrady. Onyŋ basty sebebı – ambulance qyzmetkerlerınıŋ qaisysyna bırınşı bolyp baruyn aldyn ala anyqtaidy.
Ambulance qyzmetınıŋ zamanaui ülgıde jūmys ısteitını quantady. Alaida onyŋ bärı tek Astana qalasynyŋ aumaǧyna ǧana qarastyrylǧan. Al elorda maŋyna jaqyn ornalasqan eldı mekender tasada qalyp otyr. Jaǧdaiy kürt naşarlap, insult alǧan adamǧa arnaiy brigadanyŋ der uaqytynda jete qoiuy ekıtalai. Būǧan köşedegı kölıkterdıŋ jol bermeuı de kerı äser etedı eken. Jiyn barysynda tılşıler tarapynan osy sūraq qoiyldy. Öz kezegınde «Qalalyq jedel medisinalyq järdem stansasy» MKK bas därıgerı Timur Mūratov barlyq mäsele qarastyrylyp jatqanyn, bıraq qai uaqytta şeşıletının naqty aita almady.
