Taiauda redaksiiamyzǧa Aigül esımdı bır oqyrman habarlasyp, «Kazakh TV» qyrǧyzşa «sairap» jatqanyna narazylyǧyn bıldırdı. «Būl arna bızdıŋ elımızdı şet memleketterge tanystyratyn jalǧyz arnamyz edı ǧoi. Ol nege qyrǧyzşa «söileidı»? Qyrǧyz tılı bızdıŋ ne memlekettık tılımız, ne basym halyqtyŋ tılı emes qoi» dedı.
Rasynda da, 2002 jyldyŋ 25 qazanynda «Caspionet» atauymen ıske qosylǧan, 2016 jyldan bastap «Kazakh TV» jäne «Bılım jäne Mädeniet» arnalarynyŋ bırıguı nätijesınde «KAZAKH TV» atauymen jūmysyn jalǧastyrǧan arna – şet elderge taraityn jalǧyz telearnamyz. Būǧan deiın qazaq, orys jäne aǧylşyn tılderınde habar körsetken būl telearna Qazaqstannyŋ mädenietı, tarihy, dästürı jäne qazırgı tırşılıgı turaly körsetetın imidjdık arna edı. Bügınde ol 120-dan astam elge taraidy.
Oqyrman qoŋyrauynan keiın bız telearna basşylyǧyna habarlastyq. Telearna direktory Sanduǧaş Rahymjanova sūraqtarymyzǧa arnanyŋ piar-menedjerı Jansaia esımdı qyz jauap beretının bıldırdı.
Sonymen, mälım bolǧandai, būl arna tek qana Qazaqstannyŋ tarihy men mädenietı turaly emes, otanymyz bölınbes bölşegıne ainalǧan Ortalyq Aziianyŋ tynys-tırşılıgın tanystyrudy da maqsat etedı eken. Būl oraida, körşıles qana emes, bauyrlas, tamyrlas memleketter – Qazaqstan men Qyrǧyzstandy köp närse ortaqtastyrady. Sondyqtan ekı jaqtyŋ kelısımı boiynşa, telearna habarlary qyrǧyz tılınde de körsetıletın bolyp şeşılıptı. Bügınge deiın arnanyŋ 450-den astam jobasy qyrǧyzşaǧa audarylǧan. Qyrǧyz bauyrlar qazır osy arnadan öz tılındegı habarlardy körıp, qazaq halqy turaly būryn-soŋdy köp aitylmaǧan mälımetterge de qanyq bolyp jatyr eken.
Mūnyŋ bärı öz kezegınde telearnanyŋ auditoriiasyn keŋeituge zor yqpal etıp otyrǧanǧa ūqsaidy…
Al beiresmi derekterge qaraǧanda, «Kazakh TV» arnasy alda özbek tılınde de habar taratuy bek mümkın. Būl bolaşaqta telearnany bükıl Ortalyq Aziia körermenderınıŋ ortaq arnasyna ainaldyru, telearna auqymyn osy aimaqta barynşa keŋeitu maqsaty bolsa kerek.
