Keşe Astana qalalyq mäslihatynyŋ qūrylys, ekologiia, kölık jäne tūrǧyn üi-kommunaldyq şaruaşylyq mäselelerı jönındegı tūraqty komissiia otyrysynda qalada syrtqy (vizualdy) jarnamany ornalastyru tärtıbı jäne şarttary qaralyp, PİK qyzmetın jetıldıru mäselesı qozǧaldy.
Kün tärtıbındegı alǧaşqy mäsele boiynşa elordanyŋ Säulet jäne qala qūrylysy basqarmasy basşysynyŋ mındetın atqaruşy Qairat Qojamjarov baiandama jasady.
Onyŋ aituynşa, biyl jyl basynan berı mamyr aiyna deiın nysandar maŋdaişasyndaǧy 170 jazu boiynşa mäsele qaralyp, tiıstı kelısımder jasaldy. Al 130 adam ūsynǧan syrtqy jarnamalar tiıstı erejege säikes kelmegendıkten kerı qaitaryldy.
Būǧan qosa, rūqsat almastan jarnama ornalastyryp, qatelıkterdı jıbergenderge 250 eskertu hat jıberıldı. Sonyŋ ışınde 121 jarnama nysanyn ielerı öz küşımen joidy. Al Astananyŋ Işkı ıster departamentı osy mäselege qatysty äkımşılık qūqyq būzuşylyq turaly 20 hattamany toltyrdy.
Syrtqy jarnamanyŋ qazaq tılındegı mätınınde köbınese qate ketetını barşamyzǧa belgılı. Mäselen, byltyr syrtqy jarnama jäne körnekı aqparat boiynşa 2354 eskiz jobasy saraptamadan ötkızılıp, jarnama mätınderındegı 1510 qate tüzetıldı. Al biylǧy bırınşı toqsanda syrtqy jarnama jäne körnekı aqparat boiynşa 451 eskiz saraptamadan ötıp, jarnama mätınderınıŋ 220 qatesı tüzetıldı. Sondai-aq, syrtqy (körnekı) jarnamadaǧy zaŋ būzuşylyqtar boiynşa qala äkımdıgınıŋ saityndaǧy «ötınışterdı qabyldaudyŋ bıryŋǧai jüiesı» arnaiy aidaryna qala tūrǧyndarynan jyl basynan berı 25 ötınış kelıp tüstı.
Ekınşı mäsele boiynşa qalalyq Tūrǧyn üi inspeksiiasy basqarmasynyŋ basşysy Älihan Quatbekovtıŋ jasaǧan baiandamasynan ūqqanymyz, PİK qyzmetın jetıldıru boiynşa atqarylatyn ıs şaş etekten. Özderı qaraityn üilerdıŋ aulalaryn kütıp-ūstaudan bastap jūmystarynyŋ aşyqtyǧyn qamtamasyz etuge deiın ısteletın bıraz şarua bar. Älihan Jūmahanūlynyŋ aituynşa, aşyqtyqty qamtamasyz etu boiynşa bıraz ılgerıleu bar. Mäselen, byltyrdan berı qoldanylǧan şaralardyŋ nätijesınde qazır är toqsan saiyn tūrǧyndarǧa esep beretın PİK-ter men qyzmet körsetuşı ūiymdardyŋ sany 70 paiyzǧa jettı. Al özgeler boiynşa tiıstı şaralar qoldanylady.
Amanǧali
QALJANOV
