Elordalyq «103» jedel järdem qyzmetıne kün saiyn 2000-ǧa juyq şaqyrtu tüsedı. Bas auyrsa da, qyzuy köterılse de, tıptı, tüşkırıp mazasy qaşsa da, dereu telefon tūtqasyna jügıretınder köp. Iаǧni, olardyŋ 60%-ǧa juyǧy «jedel» şaqyrtuǧa jatpaidy. Mekeme qyzmetkerlerı «Astana aqşamy» gazetıne halyq tek şūǧyl kömek kerek bolǧan kezde ǧana medisinalyq kömekke jügınse eken degen tılegın jetkızdı.
Bır minutta – ekı şaqyrtu
Äuezov köşesındegı ırgesı erterekte qalanǧan «103» ǧimaratyna qala tūrǧyndary sät saiyn habarlasady. Jedel kömekten bölek, telefon arqyly tiıstı mamandardan därıgerlık keŋes alu üşın de jügınetınder köp. Al, täulık boiy jedel kömek beruge şyǧatyn arnauly brigada toby saqadai-sai.
«Şaqyrtulardyŋ köbı keşkı saǧat 18.00-den tüngı 23.00-ge deiıngı aralyqta bolady. Mekemege bır minutta ekı şaqyrtu keledı. Bızdıŋ mamandar eŋ aldymen jol apatyna tüsıp, ömır men ölım arasynda jatqan jandarǧa barady. Onyŋ üstıne, qazır jaŋa oqu jyly bastaldy. Balalardyŋ oqys jaraqat aluy köbeietın kezeŋ. Sondyqtan brigada tynymsyz jūmys ısteidı. Olar täulıgıne 1500-1600 şaqyrtuǧa baryp, öz mındetterın oryndap jür» deidı qalalyq jedel järdem stansasynyŋ bas därıgerı Saparbek Düisenov.
Aǧymdaǧy jyldyŋ 1 tamyzynan bastap qalalyq 9 emhana bazasynda şūǧyl medisinalyq kömek körsetetın bölımder qūryldy. Mūndai bölımderdıŋ aiyrmaşylyǧy, tek 4,5 jäne 6 sanatttaǧy pasientterge jedel kömek beredı. Bügınde qala boiynşa 14 qosalqy stansiia bar. Onyŋ 4-euı – Esıl, 4-euı – Saryarqa jäne 6-uy Almaty audanynda ornalasqan. Osylaişa, atalmyş bölımderdıŋ arqasynda medisinalyq kömekke mūqtaj jandarǧa ortaşa eseppen 10 minutta kelıp-ketuge mümkındık mol.
Sanat demekşı, mūnda şaqyrtular 6 türge bölınedı. Mäselen, alǧaşqy üş deŋgei – şūǧyl şaqyrtuǧa jatady. Oǧan apatqa ūşyraǧan nemese ölım men ömırdıŋ arasynda jatqan jandar kıredı. Sonymen qatar, aiaǧy auyr äielder men 1 jasqa tolmaǧan balalarǧa da aldymen kömek körsetıledı.
Jedel bölımnıŋ jūmysy
Bız telefon tūtqasyna jauap beretın arnauly bölmege bas sūqtyq. Onşaqty adam arnaiy pultte otyryp, kelıp tüsken qoŋyraularǧa jauap berude. Telefondarǧa damyl joq. Bırı balasynyŋ qyzuy köterılıp şaqyrtsa, endı bırı qan qysymynyŋ kürt tüsıp ketkenın aituda. Kelgen qoŋyraulardyŋ bärı avtomatty türde tırkelıp, öŋdelıp otyrady. Jaŋa jüienıŋ arqasynda monitor betınde bärın baqylap otyruǧa mümkındık bar.
«Eŋ aldymen bekıtılgen erejege säikes, kezekşı kelıp tüsken qoŋyrau nömırın anyqtap, sodan keiın mäselesın tyŋdaidy. Būl kerı bailanys üşın öte qajet. Odan keiın meken-jaiyn naqtylaidy. Däl osy mäsele kezekşılerge qiyndyq tudyrady. Keibır tūrǧyndar naqty meken-jaiyn bılmeidı nemese köşe ataularyn şatastyrady» deidı bas därıgerdıŋ Ädıstemelık ūiymdastyru jūmystary boiynşa orynbasary Gülnara Tūiaqova. Onyŋ aituynşa, mekemede jedel bölımge qosa, pediatriialyq, feldşerlık bölımder jūmys ısteidı.
Jalpy, bır adamǧa qyzmet körsetu uaqyty bar-joǧy 30 sekund bolsa, atalǧan mekenjaiǧa brigada attandyru uaqyty 5 sekundty qūraidy. Jedeldık degen – osy!
Jüregıŋe jük tüspesın!
Kezektı şaqyrtudyŋ bırıne ılesıp barudy jön kördık. Orta jastaǧy er adamnyŋ kenetten jürek tūsy auyryp, şanşyǧan. Alǧaşqy medisinalyq kömekkke mūqtaj jannyŋ qan qysymy tekserılıp, kardiogramma jasalǧannan keiın tez arada auruhanaǧa jatu kerektıgı aityldy. Bırneşe minuttyŋ ışınde jedel järdem brigadasy nauqasty dereu auruhanaǧa alyp kettı.
Jürek demekşı, resmi mälımetterge süiensek, būl auru älem boiynşa köbeiıp barady. Ärı jas talǧamaidy. Astana qalasynyŋ Densaulyq saqtau basqarmasy jürek qan-tamyr auruynan bolatyn ölım-jıtımdı azaitu üşın arnaiy şaralardy qolǧa aldy.
Därıgerlerdıŋ aituynşa, jalpy, jürek işemiia auruy tıkelei qan qysymyna bailanys-ty. Eger der kezınde emdemese büirektıŋ, jürektıŋ qyzmetı būzylady. Jürek keŋeiıp ketıp, qan jürmei, sol maŋai jansyzdanady. Iаǧni, būl infark-tke äkeledı. Al, miǧa qan barmai qalǧan jaǧdaida, nauqas insultqa ūşyrauy mümkın. Sondyqtan, ärbır adam jüregın aialap, kütkenı abzal.
Är qoŋyrau – adam taǧdyry
Köpşılık jedel järdemnıŋ qyzmetın emes, kelıp jetu uaqytyn jiı synaidy. Şyn mänınde, elordada jädel järdem kölıkterınıŋ sany jetkılıktı. Qazırgı uaqytta mekeme balansynda 83 tehnika bar. Soŋǧy ekı jyl ışınde avtopark 15 jaŋa maşinamen tolyqqan.
Jyldam jetuge kerı äser etetın faktordyŋ bırı – jürgızuşılerdıŋ jol bermeuı. Onyŋ üstıne keibır tūrǧyn üilerdıŋ aulasy öte tar, ärı kölıkten köz aşpaidy.
– Keide mejelı jerge jetkenmen, üidıŋ aulasyna kıre almai qalatynymyz bar. Jolda jürgen soŋ türlı oqiǧalar bolady. Rysqūlbekov köşesıne şaqyryp alyp, özderı Rysqūlov köşesınde tūratyn bolyp şyǧady. Endı bırı esıgın aşpai qoiady. Jalpy, avtobus qozǧalysyna arnalǧan arnaiy «Bus Lane» jolaqtarynyŋ arqasynda bızdıŋ kölıkter jyldam jetıp, jol jüru uaqytyn ünemdeidı, – deidı özın Marat dep tanystyrǧan jürgızuşı.
Ras, künı-tünı jūmys ısteitın olardyŋ qyzmetı auyr ärı jauapkerşılıgı mol. Är qoŋyraudyŋ artynda adam taǧdyry tūr. Sondyqtan, jedel järdem qyzmetıne ärdaiym JOL BERIŊIZDER!
Gülmira AIMAǦANBET
