Jolaqyny bank kartasymen töleidı
![](https://astana-akshamy.kz/wp-content/uploads/2021/11/5f5b03ffd19e2113234593.jpg)
«City Transportation Systems» JŞS-te Nūr-Sūltan qalasynyŋ qoǧamdyq kölıkterınde jolaqyny töleudıŋ jaŋartylǧan elektrondy jüiesı tanystyryldy.
Qanatqaqty joba aiasynda jolauşylar Visa jäne Mastercard kartalary, sondai-aq NFC jüiesımen jabdyqtalǧan smartfon arqyly tölem jasai alady. Tranzaksiiany jürgızu üşın olardy validatordyŋ janynda ornalasqan arnaiy terminalǧa qosu jetkılıktı. Jaŋartylǧan jüie kölık kartalaryn tolyqtyrudyŋ onlain rejimıne köşudı qamtidy. Sondai-aq bank kartalarymen töleu qoljetımdı bolady.
Esterıŋızge sala keteiık, 18 qazannan bastap elordada bırneşe qoǧamdyq kölık baǧytynda qanatqaqty rejimde üş jetkızuşıden kez kelgen ekınşı deŋgeidegı banktıŋ kartasymen jol jüru tölemı testılenude.
Jüienı testıleu №61 qalalyq baǧyttaǧy üş avtobusta, sondai-aq qala maŋyna qatynaityn №309, 310, 315 baǧdarlarda jürgızıledı.