Astanada jyl saiyn joldar jöndelıp, köşeler tegısteletının jūrtşylyq jaqsy bıledı. Endı bas şahar «EKSPO-2017» halyqaralyq mamandandyrylǧan körmesı ötetın alaŋǧa injenerlık-kölıktık infraqūrylymdy tartuǧa köbırek köŋıl bölmek. 2008 jyldan berı 22,8 şaqyrym jol salynyp, aldynda salynuy josparlanǧan 14 jolairyqtyŋ, köpırdıŋ jäne ötkelderdıŋ 9-y paidalanuǧa berılgen.
KÖLIK KEPTELISI AZAIаDY
Endı 35 şaqyrymdy qūraityn kışı ainalma joldyŋ qūrylysy jalǧasyp jatyr. Sondai-aq, jaŋa temırjol vokzaly men «Abu-Dabi Plaza» keşenın, jahandyq körmege qatysty özge de ırı nysandardy tiıstı jelılermen qamtamasyz etu – basty maqsat. Būl turaly keşe ūiymdastyrylǧan baspasöz mäslihatynda Astana qalasy Avtomobil joldary basqarmasynyŋ basşysy Ashat Qaraǧoişin mälımdedı.
– Jalpy alǧanda, 10,5 şaqyrymdy alatyn 11 köşe boiynşa jūmys qolǧa alyndy. Olarǧa №41, №42, A.Baitūrsynov, J.Näjımedenov, A82, A62, V-4, Baiantau, Türkıstan, Aqmeşıt, Sauran köşelerı jäne Qabanbai batyr daŋǧyly kırıp otyr. Būl aumaqtarda qazır qūrylys salu-montajdau jūmystary jürgızılude. Qarjylandyru tolyq qamtamasyz etılgen, – deidı ol.
Qalanyŋ äleumettık nysandaryna aparatyn joldardy salu men olardy injenerlık jelılermen qamtamasyz etu de ūmyt qalǧan joq. Bügıngı taŋda bırqatar köşelerde säikes jūmys jalǧasuda. Būǧan qosa, Astanadaǧy kölıkter aǧynyn azaitu üşın de basqarma naqty ısterdı atqaruda eken.
– 35 şaqyrymdy qūraityn kışı ainalma joly täulıgıne 90 myŋ avtokölıktı ötkıze alady. Būl jol aşylǧanda kemınde 20 myŋ kölık qalanyŋ ortalyǧyna kırmei, syrtpen ainalyp jüre alady dep jobalanyp otyr. Biyl būl joldy salu üşın Ş.Beisekova köşesınıŋ boiymen N.Tılendiev daŋǧylynan bastap, Ä.Moldaǧūlova köşesıne deiın jer telımın bosatu bastaldy, – deidı A.Qaraǧoişin.
ŞET AUMAQ TA QAǦYS QALMAIDY
Sonymen qatar, baspasöz mäslihatynda qaladaǧy jol qūrylysyna qatysty basqa da aqparat aityldy. Atap aitsaq, elordanyŋ şetkerı aimaqtaryn damytu baǧdarlamasynyŋ aiasynda 2011-2016 jyldary aralyǧynda 101 şaqyrym jol salynyp, 275,25 şaqyrym injenerlık jelıler tartyldy. Küigenjar, Qazaq auyly, Prigorodnyi, Kazgorodok, Qaraötkel, Zarechnyi jäne Promyşlenyi tūrǧyn alaptarynda būl jūmystar tolyǧymen aiaqtaldy. Biyl Komsomolskii, Köktal-2, Oŋtüstık Şyǧystyŋ oŋ jaǧy jäne N.Tılendiev daŋǧylynan oŋtüstıkke qarai 6 şaqyrym jol men 32 şaqyrym injenerlık jelılerdı tartudy aiaqtau josparlanuda. Mūnyŋ ışıne İnternasionalnyi jäne Michurino tūrǧyn alaptaryna injenerlık jelılerdı tartu da kırıp otyr. Jalpy alǧanda, şetkerı aimaqtar boiynşa jūmystardy bıtıru üşın 93,78 şaqyrym jol men 213,55 injenerlık jelılerdı tartu kerek eken.
JÖNDEU JŪMYSTARYNDA KIDIRIS JOQ
Qaladaǧy joldardy jöndeuge kelsek, jyl basynan berı 61 köşedegı 44,3 şaqyrym jol ortaşa jöndeldı. 275 köşede aǧymdaǧy jöndeu jürgızıldı. Qazırgı taŋda basqarma audan äkımdıkterımen bırlesıp, joldarǧa inerttı material sebudı bastady. Almaty jäne Saryarqa audandaryndaǧy 24 köşege qiyrşaq tas töseldı. Jyl aiaǧyna deiın taǧy tört köşede būl jūmys atqaryluy tiıs.
Kelesı jylǧa kelsek, 32,8 şaqyrym joldy salu, qalpyna keltıru jäne jöndeu josparlanyp otyr. Sol jaǧalauda kölık aǧynyn azaitu üşın qysqa merzımde №46 köşeden bastap Husein Ben Talal köşesıne deiın Täuelsızdık daŋǧylyndaǧy joldy salu jobalandy. Sondai-aq, Husein Ben Talal köşesındegı №39 köşeden, Abylaihan daŋǧylyna deiıngı 10 şaqyrym joldy salu da ülken maŋyzǧa ie. Osy jerde ekı köpır salu da josparlandy. Al jalpy qalada üş köpır jaŋadan boi kötermek.
İnjenerlık-kölıktık infraqūrylymdy damytu üşın biylǧy jyldyŋ basynan 374 jer telımın memleket mūqtajyna satyp alu közdeldı. Būl jūmys ta öz retımen jürgızılıp, qazırgı taŋda 313 jer telımı satyp alyndy. Qalǧan 61 telımdı jyl soŋyna deiın satyp alu josparlandy.
Amanǧali QALJANOV
