Astana äkımı İmanǧali Tasmaǧambetov «Qazaq elı» monumentı alaŋynda ūlttyq bıryŋǧai testıleu qorytyndysy boiynşa öz bılımderın däleldep şyqqan 75 elordalyq jas tülekke «Altyn belgı» tabys ettı.
Biylǧy oqu jylyn astanalyq 4 049 oquşy tämamdady. 87,65 paiyzy ūlttyq bıryŋǧai testıleuden öttı. Halyqaralyq olimpiadalar men ǧylymi jobalardyŋ jeŋımpazdary, jaqyn jäne alys şeteldıŋ joǧary oqu oryndaryna tüsuge niet bıldırgen 497 oquşy jalpy bılım beretın pänder boiynşa qorytyndy emtihan tapsyrdy. Osylaişa 75 tülek joǧarǧy körsetkışke jetıp, tūǧyrdan körıne bıldı.
«Bügın barşamyz üşın erekşe kün. Ata-ana üşın bauyr etı – balapanynyŋ qanat qaqqan, ūstaz üşın maŋdai terı – şäkırtınıŋ ükı taqqan tamaşa sätı. Al, bükıl el üşın – azamatqa ümıt artqan tarihi mezet. Quanyştaryŋyz qūtty bolsyn, qadırlı aǧaiyn!»,– dep atap öttı tülekterdı marapattau saltanatynda qala äkımı İmanǧali Tasmaǧambetov.
Jarqyn bolaşaqqa ūmtylǧan jas tülekterdıŋ mektep qabyrǧasyndaǧy soŋǧy saltanatty jiynyna ata-analar men ūstazdar, astanalyq barlyq mekteptıŋ bıtıruşı ūl-qyzdary jinaldy. «Altyn belgı» iegerlerınıŋ aty-jönderı atalyp, halyq aldynda keŋınen tanystyryldy.
Qala äkımınıŋ qolynan marapat alǧan oquşylardyŋ quanyşynda şek joq.
«Sızderdıŋ – jas tülekterdıŋ armany – berekelı de baiandy baq, mazmūndy da maǧynaly bolaşaq. Onyŋ özı – tūzy jeŋılge emes, tūǧyry biık, talaby keŋge, bılımı tereŋ, eŋbegı köpke ǧana būiyratyn dünie. Ol üşın ılım men bılım jolyndaǧy tynymsyz talpynys pen üzdıksız ızdenıs qajet. Būl bızdıŋ bügıngıdei jaŋalyǧy jel- men jarysqan, oi-örısı ǧaryşpen talasqan zaŋǧar zamannyŋ basty ärı bıregei talaby», – dei kele qala basşysy tülekterge būl talaptar- dy ärqaşan este ūstau kerektıgın aityp öttı.
«Altyn belgıge» qol jetkızgen oquşylardyŋ qatarynda eŋ joǧarǧy 125 ūpaidy qazaq-türık liseiınıŋ şäkırtı Äsel Qysyqova jinaǧan. 91 men 125 ball aralyǧyndaǧy nätijenı 874 tülek ielengen. Eŋ joǧary körsetkışke daryn- dy balalarǧa arnalǧan «Zerde» mektebınıŋ tülekterı qol jetkızse, odan keiıngı mejede qyz balalarǧa arnalǧan jäne ūl balalarǧa arnalǧan qazaq-türık liseilerın erekşe atap ötken jön.
«Sızder bügın ömırdıŋ alǧaşqy mejesınen öttıŋızder. Endıgı taǧdyr öz qoldaryŋyzda. Öz basym būl maqsat-mındettıŋ de üdesınen şyǧyp, tabys biıgıne tu tıgetınderıŋızge kämıl senımdımın. Olai bolsa, osynau quanyşty künı, ömırlerıŋızge tek sättılık tıleimın. Joldaryŋyz jaryq, aspandaryŋyz aşyq, jūldyzdaryŋyz biık tūrǧai», – dep sözın aiaqtaǧan qala äkımı barşa mek- tep bıtıruşılerdı şyn jürekten qūttyqtady.
Saltanatty şarada jas tülekter soŋǧy ret «Mektep valsın» bilep, soŋy merekelık konsertke ūlasty.
Gülmira AIMAǦANBET
