Ötken aptada äleumettık jelılerdıŋ bırınde jolda jüru erejelerıne engızılgen özgerıster turaly beinebaian tarap, ol köptegen jürgızuşılerdıŋ nazaryn audarǧan bolatyn. Öitkenı beinekörınıste «jol qozǧalysy erejesıne özgerıster qaraşa aiynan bastap engızıldı» delıngen, bıraq jyly körsetılmegen.
Osyǧan orai bız QR IIM Äkımşılık polisiiasy komitetı baspasöz qyzmetınıŋ jetekşısı İrina Lukianinaǧa habarlasqanbyz:
«Qazaqstan Respublikasy Jol qozǧalysy erejesınde bırqatar özgerıs pen tolyqtyru bolǧany ras. Alaida ol 2017 jyldyŋ 11 qaraşasynan bastap qoldanyluda. Al 2018 jyldyŋ 9 qaŋtarynan jol erejesınıŋ jaŋa tärtıbı belgılenıp, äkımşılık qūqyqbūzuşylyq kodeksıne bırqatar tüzetu engızıldı. Atap aitqanda, jyldamdyqty arttyru, jaiau jürgınşıge jol bermeu, kölıgın saqtandyrmau sekıldı zaŋ būzuşylyqtarǧa qatysty aiyppūldar kölemı bırşama azaidy. Sondai-aq jürgızuşılerge aiyppūldaryn töleu joldary da meilınşe jeŋıldetıldı» dedı.
Endı osy jol qozǧalysy zaŋyna engızılgen özgerısterdıŋ keibırın oqyrmandar nazaryna ūsynǧandy jön kördık.
27 jaŋa jol belgısı
Atalǧan jol jüru erejesınde – 4.1.2 Oŋǧa qozǧalys; 4.1.3 Solǧa qozǧalys; 1.33 Qauıptı jol jiegı; 1.34 Keptelıs; 3.17.3 Baqylau; 4.5 Velosiped joly nemese velosiped qozǧalysyna arnalǧan jolaq; 4.5.1 Velosiped jolynyŋ nemese velosiped qozǧalysyna arnalǧan jolaqtyŋ soŋy; 5.9.1 Qoǧamdyq kölıkterge arnalǧan jolaqtyŋ soŋy; 5.22a Eldı mekendı aimaqtyŋ bastaluy; 5.23a Eldı mekendı aimaqtyŋ soŋy; 5.42 Fotobeinefiksasiia, taǧy basqa da jaŋa jiyrma jetı eskertu belgısı paida boldy.
Ereje būzylǧanyn naqty däleldeuı qajet
Būryn kölıktı toqtatqan polisiia qyzmetkerınıŋ avtokölıkke bırden jaqyndauy kerek ekenı aiqyndalmaǧan bolsa, endı kölıgıŋızdı toqtatqan polisiia qyzmetkerı bırden kölıkke kelıp, özın tanystyryp, eger talap etseŋız, qyzmettık qūjatyn körsetıp, toqtatu sebebın tüsındıredı. Ärı ereje būzǧanyŋyzdy rastaityn dälelderdı körsetuı tiıs. Eger ondai naqty dälelı bolmasa, aiyppūl sala almaidy.
Öz qalauyŋyzǧa qarai
Ötken jyldary Äkımşılık polisiia komitetı temır tıkendı doŋǧalaǧy bar kölık jürgızuşılerıne «Ş» belgısın taǧudy mındettegen edı. Tıptı ereje būzylsa, aiyppūl da salatyn.
Endı, temır tıkenektı doŋǧalaq qoldanatyn jürgızuşıler mūndai belgını kölıkke öz qalauymen ǧana japsyra alady. Eger ol joq bolsa, eşkım jauapqa tartylmaidy.
Velosiped pen moped joly
Erejege būryn bolmaǧan «velosipedşı», «velosiped joly», «velosipedke arnalǧan jolaq» degen sözder engızılıp, sonymen qatar «moped», «jol jiegı» degen sözderdıŋ tüsınıgı barynşa keŋeitıldı.
Velosiped joly jäne velosiped jolaǧy boiynşa jasy 14-ke tolǧan velosiped jürgızuşılerıne qozǧalys rūqsat etılgen. Sonymen bırge būl joldarmen moped te jüre alady.
Sondai-aq olar marşruttyq kölık qūraldaryna arnalǧan jolaqpen de, qoǧamdyq kölıkke arnalǧan «BUS LANE» jolaǧynyŋ şetımen de jüruıne bolady.
«Fotobeine tırkeu» belgısı
Jaŋa erejede «Fotobeine tırkeu» aqparattyq-nūsqaǧyş belgısı engızılgen.Jol erejesınıŋ būzylǧandyǧy avtomatty türde jūmys ısteitın beine qūrylǧylarmen tırkelse, ol jerde «Fotobeine tırkeu» belgısı bolmasa da, aiyppūl tölenedı. Astanada būl «Sergekke» köbırek qatysty.
Aiyppūl jeŋıldıkterı
Jol jüru erejesıne engızılgen özgerısterde jürgızuşılerge bıraz jeŋıldıkter qarastyrylǧan. Mäselen, kölık jürgızuşı jyldamdyqty rūqsat etılgennen saǧatyna 10 şaqyrym asyrsa, būrynǧydai 10 emes – 5, saǧatyna 20-40 şaqyrym asyrsa – 10, saǧatyna 40 şaqyrymnan da asyp ketse, 20 ailyq eseptık körsetkış kölemınde aiyppūl töleidı. Al joldyŋ qarsy betıne şyǧyp ketse, būrynǧydai kuälıgınen aiyrylmai, 30 ailyq eseptık körsetkış kölemındegı aiyppūlmen qūtylady.
Būǧan deiın polisiia qyzmetkerınıŋ qatty jazalaityn belgısı – mügedekter ornyna tūru bolatyn. Endı onyŋ aqysy 50-den 10 ailyq eseptık körsetkışke deiın nemese 113 450 teŋgeden 24 050 teŋgege tömendetılgen.
Jaiau jürgınşıler jolaǧyna qatysty tärtıp būzu jazasy da ekı esege azaiǧan. Jürgınşılerge jol bermese, jürgızuşıler būrynǧydai 20 emes, 10 ailyq eseptık körsetkışke teŋ aiyppūl töleidı.
Aiyppūldardy töleude de köptegen jeŋıldıkter bar. «Egov» portalyna tırkelıp, jeke identifikasiialyq kody men qūpiia sözın engızıp, käduılgı sait qoldanuşysy retınde onlain tölem jasai alasyz. Tölemnıŋ mobildı qosymşalary da qarastyrylǧan.
Taǧy aita keterlıgı, aiyppūl tölemderıne tübırtek alu qajet emes. Öitkenı barlyǧy elektrondy türde bazaǧa tırkelıp tūrady.
