Ashat ORALOV,
QR Qoǧamdyq damu ministrlıgı
Jastar saiasaty departamentınıŋ direktory:
– Elbasy biylǧy Joldauynda jastar men otbasy institutyn keşendı qoldau memlekettık saiasattyŋ negızgı baǧytyna ainaluy tiıstıgın basa aityp, kelesı jyldy «Jastar jyly» dep jariialauy el arasynda bırden qoldau tapty. Bügınde respublikamyzdyŋ 17 aimaǧynda da osy ūsynysqa qatysty daiyndyq qyzu jürgızılıp jatyr. Aitalyq, ministrlıkter, ortalyq memlekettık organdar, jergılıktı atqaruşy mekemeler jäne ükımettık emes ūiymdar özara bırlesıp, jastarǧa arnalǧan «jol kartasynyŋ» josparyn äzırleude. Onda sapaly bılımnıŋ qoljetımdı boluy, otbasy qūndylyqtary, salauatty ömır saltyn nasihattau, mümkındıgı şekteulı jastardy qoldau sekıldı özektı taqyryptar aiasyndaǧy 100 joba qamtylady.
Būdan bölek, Qoǧamdyq damu ministrlıgı jastarmen jūmystyŋ tört negızgı baǧytyna basymdyq beruge tyrysady. Bırınşıden, jetkınşekterdıŋ otandyq turizmge degen qyzyǧuşylyǧyn arttyru közdelıp otyr. Sol maqsatta joǧary synyp oquşylaryna arnalǧan turistık baǧdarlamalar ıske asyrylady. Ekınşıden, barlyq oqu oryndarynda käsıptık baǧdarlau jūmystaryn jürgızudı qadaǧalamaqpyz. Iаǧni oquşylardyŋ jastaiynan belgılı bır käsıpke degen yntasyn oiatudy mūrat tūttyq. Üşınşıden, jastar käsıpkerlıgın damytuǧa köŋıl bölınedı. Törtınşıden, jastardyŋ äleumettanuyna jaǧdai jasau nazarǧa alynbaq. Būl tūrǧyda jastardyŋ volonterlık, şyǧarmaşylyq jäne eŋbek qabıletterın şyŋdauǧa mümkındıkter berıledı.
