Ūlttyq kıtaphananyŋ syrtqy baspaldaǧynda tızılgen oryndyqtar paida boldy. Būl kompozisiia kıtaphana maŋynan ötken kez kelgen adamnyŋ nazaryn özıne audarmai qoimaidy.
Kıtaphana baspaldaǧyna qoiylǧan eskı oryndyqtar az uaqyttyŋ ışınde köpşılıktıŋ estelık suretke tüsuge arnalǧan ornyna ainalyp şyǧa keldı. Bıraq elordalyqtar men qala qonaqtary būl körınıstı ärtürlı qabyldap jür. Olardyŋ keibırı būl tyŋ ideiaǧa tamsana qarasa, endı bırı psihologiialyq tūrǧydan jaman äserge bölengenın aitady. Jalpy, jūmbaq installiasiianyŋ syry nede? Mamandardyŋ pıkırıne qūlaq türelık.
Kompozisiia avtory, belgılı suretşı, öner qairatkerı Ashat Ahmediiarovtyŋ aituynşa, būl – onyŋ köpten berı jasauǧa qūmartyp jürgen tuyndysy. Ol būrynnan biık baspaldaqty art-nysanǧa ainaldyrudy oiǧa alǧan eken. Al mūndai mümkındık oǧan Ūlttyq kıtaphana ǧimaratynan būiyrǧan.
«Kompozisiianyŋ filosofiialyq mänı bar. Al oryndyqtardy garajdardan taptym. Olardyŋ keibırı äbden eskırgen. Jalpy, qoiylǧan oryndyqtar ärtürlı. Būl qoǧamdaǧy är adamnyŋ közqarasynyŋ da ärtürlı ekenın bıldırıp tūr. Osy baspaldaqqa būrynnan közım tüsıp, qaşan maǧan osyndai installiasiia jasauǧa mümkındık beretının kütıp jürgenmın. Mūndai sättıŋ tuuy – men üşın ülken märtebe. Ūiymdastyruşylar da oiymdaǧy dünienı jasauǧa erık berdı» deidı avtor.
Al kıtaphananyŋ aqparattyq-mädeni baǧdarlamalar qyzmetınıŋ jetekşısı Nūrhan Serkebaidyŋ aituynşa, būl kompozisiia 23-24 tamyz künderı ötken «Astananyŋ mädeni mätını» halyqaralyq ǧylymi-tanymdyq konferensiiasy aiasynda jasalǧan.
Avtordyŋ ūsynysy boiynşa kıtaphanaǧa barşa adamnyŋ nazaryn audaru, oqyrman tartu maqsatynda jasalǧan jūmys eken. «Ärine, Ūlttyq kıtaphana oqyrmanǧa kende emes, degenmen mūnda bükıl qala jūrty keledı dep aita almaimyz. Al suretşınıŋ osy tuyndysy köpşılıktıŋ nazaryn audaryp jatyr» deidı ol.
