Elordadaǧy «Jastar» saraiynda bos oryndar järmeŋkesı ūiymdastyrylyp, onda keluşılerdıŋ 1700-ge juyǧy jūmyspen qamtylatyn boldy.
Tamyz aiynda osymen üşınşı ret ötken būl şaraǧa bas qaladaǧy jūmyssyz azamattar men probasiia qyzmetınıŋ esebınde tūrǧan, bas bostandyǧynan aiyru oryndarynan bosatylǧan adamdar jäne aliment boiynşa boryşkerler qatysty. Is-şaranyŋ basty maqsaty – jūmys beruşıler men jūmyssyz azamattardyŋ kezdesuın ūiymdastyru arqyly jūmys beruşıler mälımdegen azamattardy bos oryndarǧa jūmysqa ornalastyru jäne eŋbek naryǧynda sūranysqa ie mamandyqtardy nasihattau.
Bos oryndar järmeŋkesıne 400-ge juyq jūmys ızdeuşı jäne 60-tan astam jūmys beruşı qatysyp, soŋǧylary alǧaşqylaryna türlı baǧyttar boiynşa 1700-ge juyq bos jūmys ornyn ūsyndy. Onyŋ ışınde «ROYAL CARS ASTANA» JŞS, «Hilton Astana» qonaq üiı, «ARENA S» JŞS jäne özgelerı siiaqty elordanyŋ jetekşı käsıporyndary bar. Sondai-aq, 9 jūmys beruşı probasiia qyzmetınıŋ esebınde tūrǧan jäne bas bostandyǧynan aiyru oryndarynan bosatylǧan adamdardy jūmysqa ornalastyru üşın 170-ten astam bos jūmys ornyn ūsyndy.
Järmeŋkenıŋ alǧaşqy saǧatynda 100-den astam adam keldı. Solardyŋ bırı – elordalyq Ashat Aidynov. Ol özınıŋ aspazşy mamandyǧy boiynşa jūmys ızdep keldı. Mūnda jūmys beruşılermen tıkelei söilesıp, bırden bırneşe ūiymǧa sūhbattasuǧa şaqyru aldy.
«Qazır jūmyssyz azamat retınde qalalyq Jūmyspen qamtu ortalyǧynda tırkelıp tūrmyn. Ortaq chatymyz bar, sonda ünemı habarlama kelıp tūrady. Bos oryndar järmeŋkesınıŋ ötkızıletını turaly da osy jerden oqyp, keldım. Ärine, mūndai şaralardyŋ jiı ūiymdastyrylyp tūrǧany jaqsy. Mamandyǧym boiynşa jūmys ızdegenmın. Äzırge 5-6 jūmys beruşılermen söilestım. Ūsynylǧan jalaqy mölşerı köŋılımnen şyǧyp tūr, 300 myŋ teŋgege deiın barady, solardyŋ bırın taŋdap, jaqyn künde jūmysqa şyǧatyn bolamyn, – dedı A.Aidynov.
Järmeŋkege Nūr-Sūltan qalasy Prokuraturasynyŋ, Jūmyspen qamtu jäne äleumettık qorǧau basqarmasynyŋ, Ädılet departamentınıŋ jäne qylmystyq-atqaru jüiesı departamentınıŋ ökılderı qatysty.
– Bız aqpan aiynan berı bas-aiaǧy 49 järmeŋke ötkızdık. Azamattardyŋ jekelegen sanattary üşın şaǧyn järmeŋkeler ötkızuge tyrysamyz. Bızde qala äkımdıgınıŋ qaulysy bar, onda mügedektıgı bar adamdar üşın, bas bostandyǧynan aiyru oryndarynan bosatylǧandar üşın, probasiia qyzmetınde esepte tūrǧan adamdar üşın jūmys oryndaryna kvota belgılengen. Sondyqtan, jūmys ızdep kelgenderdı kvota aiasynda jūmysqa ornalastyruǧa tyrysamyz, – dedı Nūr-Sūltan qalasy äkımdıgınıŋ Jūmyspen qamtu ortalyǧynyŋ orynbasary Talǧat Esımov.
Mūnda keluşıler jūmys beruşılermen tıkelei söilesıp, Jūmyspen qamtu ortalyǧynyŋ mamandarynan özderın qyzyqtyratyn mäseleler boiynşa keŋester aldy. Jūmyspen qamtu jäne äleumettık baǧdarlamalar basqarmasynyŋ jūmys beruşılermen özara bailanys jasau bölımınıŋ basşysy Baqyt Rakişevanyŋ aituynşa, jyl soŋyna deiın Nūr-Sūltanda 28 myŋ jaŋa jūmys orny aşylyp, osyǧan ūqsas 7 ıs-şara ūiymdastyrylady.
Gülbarşyn ÖKEŞQYZY
