2016 jyldyŋ 14 qaŋtarynda Prezident Nūrsūltan Nazarbaev Qazaqstan halqy assambleiasynyŋ qūrylǧan künın, iaǧni 1 nauryzdy Alǧys aitu künı etıp jariialady.
Mūndai merekenıŋ köktemnıŋ alǧaşqy künı qazaq jerınde toilanuynyŋ sebebı bar. Būl Assambleianyŋ köp jylǧy el arasyn jaqyndatuǧa sebep bolǧan qyzmetınıŋ nätijesı der edım.
Osy jyldary assambleianyŋ belsendı bır müşesı retınde bar küş-jıgerımızdı qoǧamda etnosaralyq kelısımdı jäne toleranttyqty odan ärı nyǧaitu üşın qolaily jaǧdai jasauǧa, el bırlıgın nyǧaituǧa jūmsap kelemız.
Qazaq bauyrlarymyzdyŋ toptastyruşylyq rölın arqau ete otyryp, elımızdegı patriotizmdı, etnosaralyq kelısımdı qamtamasyz etu bızdıŋ basty ūstanymyz bolyp otyr.
Qazaqstan halqy assambleiasy jūmysyna şolu jasap otyrǧanym beker emes, alǧys aitu künı osy qūrylymnyŋ qūrylǧan künıne bailanyp tūr.
Alǧys aitu – adamzat balasynyŋ jaqsy qasietınıŋ bırı. Allaǧa razylyǧymyz eşqaşan auzymyzdan tüspegen halyqtyŋ ökılımız. Osy künı Qazaqstanda jasap jatqan özge ūlt ökılderınıŋ memleket qūruşy qazaq halqyna alǧys aitudyŋ män-maǧynasy jürektı erekşe tolqytady.
Ras bızderdıŋ köbımız, äsırese korei, nemıs, inguş-şeşen halyqtary osy elge keŋestık zobalaŋ kezınde keldı. Adam basy tügıl tūtas halyqty teŋseltıp jıbergen zamanda qūşaǧy keŋ qazaqtyŋ qūşaǧyna kelıp tyǧyldy. Ūlty – türık, jany qazaq Asyly Äliqyzy Osmannyŋ aitatyn jaqsy sözı bar, ol qiyn kezeŋde «jarty qūrtty jaryp, bütın qūrtty bölıp jedı» degenındei, qazaq eşkımdı jatsynǧan joq. Jarty qūrttyŋ quaty boiymyzǧa när, tırlıgımızge küş bergen.
Sol jaqsylyqty körgen analarymyzdan «qazaqtyŋ aldyna tüspeŋder» degen amanatyn bızder de qūlaǧymyzǧa qūiyp östık.
Al keiıngı ūrpaq şe?! Mıne, būl mereke keiıngı ūrpaq üşın kerek. Tarihymyzdyŋ aqtaŋdaq betterın jadynda saqtauy üşın, tar zamanda tabysqan halyqtyŋ batyl äreketın ūlyqtau üşın, qiyn-qystau zamanda da jamandyqqa jaqsylyqpen qaitarudyŋ ne ekenın bıluı üşın qajet.
Hasan ŞARİPOV,
Qazaqstandaǧy özbek
etnomädeni bırlestıgı
töraǧasynyŋ orynbasary,
QHA müşesı
