Prezidentımız Qasym-Jomart Toqaevtyŋ «Syndarly qoǧamdyq dialog – Qazaqstannyŋ tūraqtylyǧy men örkendeuınıŋ negızı» atty Qazaqstan halqyna Joldauynda bılım men ǧylym salasyna basa män berıldı. Būl orta bılım men joǧary oqu oryndarynda bılım sapasyn jaqsartu mäselesı. Osyǧan orai Joldauda oryndy syndar aitylǧan. Ärine, ol mektep qabyrǧasynan oquşylardyŋ sapaly bılım almauy bolyp tabylady. Būǧan bılıktı pedagogtardyŋ tapşylyǧy, äsırese auyldy jerlerde bılımın tolyqtyratyn oqulyqtardyŋ jetıspeuşılıgı nemese ondaǧy kezdesken olqylyqtardyŋ boluy da tıkelei äser etedı. Soŋǧy kezderde äleumettık jelılerde mektepte oqytylatyn oqulyqtarda kezdesken kemşılıkter köpşılıktıŋ qyzu talqysyna alynyp, türlı qoǧamdyq pıkırler tuyndaǧany belgılı. Osyǧan orai, Joldaudaǧy orta bılım sapasyn köterude käsıbi baǧyt-baǧdar beru saiasatyna köşu, sapaly oqulyqtarmen qamtamasyz etu jäne bılım beru deŋgeiınde derbes qarjylandyru tärtıbın engızu siiaqty mındetterdı jüzege asyrudy jükteuı asa maŋyzdy. 
Joldaudaǧy auyl balalaryna erekşe köŋıl bölıp, daryndy balalardy otandyq jäne şeteldık oqu oryndaryna daiarlauda jol kartasyn äzırleudı tapsyruy da öte oryndy.
Prezidentımız körsetkendei, oquǧa tüse almai qalǧan jastardyŋ arnaiy mamandyqtarynyŋ joqtyǧynan jūmyssyzdar qataryna qosylyp, türlı qylmystyq ısterge baruy jiıleude. Sonymen qatar oqu ornyn bıtırıp, bıraq mamandyǧymen jūmysqa ornalasa almaǧan jastardyŋ qatary köbeidı. Ol üşın asa qajettı, tapşy mamandar daiarlaudy qolǧa alǧan maŋyzdy.
Elımızdıŋ ekonomikasyn, mädenietın köteruge qajettı bılımdı, bılıktı mamandar daiarlauda joǧary oqu oryndaryndaǧy bılım sapasyn arttyruǧa da köŋıl bölınıp, talap küşeitılse, soŋǧy kezderde jıberılıp jatqan kemşılıkter joiylar edı. 
Joldaudaǧy köŋılge asa qonymdy qoiylǧan mındetterdıŋ arasynda äleumettık jaǧdaidy küşeitu, iaǧni otbasy, bala tärbiesı, zorlyq-zombylyqty tyiu, halyq densaulyǧyn jaqsartu mäselelerı de halyqtyŋ oiynan şyǧyp, osy ıste qoldau körsetıp, bır kısıdei jūmylady dep oilaimyn.
