Ливанның солтүстігінде мазут тиеген танкер жарылып, 28 адам ажал құшты. Тағы жүзге жуығы жарақат алып, бірнешеуі ұшты-күйлі жоғалып кеткен.
Жергілікті ақпарат құралдарының хабарлауынша, танкерде 60 мың литрдей мазут болған. Бұрынғы Премьер-Министр Саад Әл-Харири осыған байланысты қазіргі Үкіметті отставкаға кетуге шақырды. Бір жыл бұрын Бейрут айлағында да осындай жойқын жарылыс болып, сол кездегі Үкімет басшысы биліктен кеткен болатын.
